މަދަރުސާތަކުގެ ދަރިވަރުން ތެލަސީމިޔާ ސްކުރީން ކުރުމުގެ ޕްރޮގުރާމްގެ ދަށުން މިހާތަނަށް ޖުމްލަ 6 ސްކޫލެއްގެ ކުދިން މިހާރު މި ބައްޔަށް ޓެސްޓް ކޮށްފައި ކަމަށް ޑރ. އުމަރު ވަނީ ވިދާޅުވެފަ އެވެ.
އުމަރު ވިދާޅުވީ، މިކަމަށްހުރި މައިގަނޑު ގޮންޖެހުމަކީ ތެލަސީމިޔާ ކުދިން އަދިވެސް އިތުރުވަމުން ދާ ކަމެވެ. އަދި އެ އަދަދު ދައްކުރުމަށްޓަކައި ފެށިފަ މި އޮތް ޕްރޮގުރާމް އަކީ ވަރައް ރަނގަޅު ޕްރޮގުރާމެއްކަމަށެވެ.
މޯލްޑިވިއަން ބްލަޑް ސާވިސަސްގެ ތަފާސްހިސާބުތަކުން ދައްކާގޮތުގައި ރާއްޖޭގައި 659 ތެލެސީމިއާ ޕޭޝަންޓުން އުޅެއެވެ.
އުމަރު ވިދާޅުވީ، ސީދާ ކެރިޔަރުންގެ އަދަދު ނޭންގޭ ކަމަށެވެ. ނަމަވެސް، މި ސްކުރީނިން ހުރިހާ ސްކޫލެއްގައި ކުރެވުމަށްފަހު ކެރިޔަރުންގެ ޖުމްލަ އަދަދު އިވެލުއޭޓް ކުރާނެ ކަމަށެވެ.
ތެލެސީމިއާގެ ފަރުވާ ހޯދާ ކުދިންނަށް މި ސަރުކާރުން ޚާއްސަ އަހަންމިއްޔަތުކަމެއް ދޭނެ ކަމަށް ރައީސް ޑރ. މުހައްމަދު މުއިއްޒު މީގެ ކުރިން ވެސް ވިދާޅުވިއެވެ. އެގޮތުން މި ސަރުކާރުން ވަނީ ތެލެސީމިއާ ކުދިންނަށް ޚާއްސަ ހޮސްޕިޓަލެއް ގާއިމް ކުރަން މަސައްކަތް ފަށާފައެވެ.
މި ސަރުކާރުން ވަނީ ހިލޭ ބޯންމެރޯ ހަދަން ތެލެސީމިއާ ފަސް ޕޭޝަންޓުން ރާއްޖޭން ބޭރަށް ފޮނުވާފައެވެ.
