އުރީދޫން ބުނީ މި ފެސްޓިވަލް ކުރިއަށްދާނީ މިއަދާއި މާދަމާ ހުޅުމާލެ ސެންޓްރަލް ޕާކުގައި ހަވީރު 4:00 އިން ފެށިގެން 6:00 އަށް އަދި ރޭގަނޑު 8:00 އިން ފެށިގެން 10:00 އަށް ކަަމަށެވެ.
ކުޑަކުދިންގެ ދުވަސް ކުލަގަދަކޮށް ފާހަގަ ކުރުމުގެ މަގުސަދުގައި ބޭއްވޭ މި ފެސްޓިވަލަކީ އާއިލާ އާއެކު ވަގުތު ހޭދަކޮށްލާ މަޖާ ކުރެވޭ ގޮތަށް ރާވާފައިވާ ފެސްޓިވަލެއް ކަމަށް އުރީދޫން ބުނެ އެވެ. އެ ކުންފުނިން ބުނެފައި ވަނީ މި ފެސްޓިވަލުގައި މުނިފޫހިފިލުވުގެ ގިނަ ހަރަކާތްތަކާއި އެކި ގޭމުތަކާއި ކުޅިވަރު ހިމެނޭ ގިނަ ސްޓޯލްތަކެއް ހިމެނޭ ކަމަށެވެ.
އުފާ ފެސްޓިވަލުގައި އެންމެ ހާއްސަ އެއް ކަމެއްގެ ގޮތުގައި ފާހަގަ ކުރަނީ އުރީދޫގެ ފަރާތުން ބާއްވާ ފެންކުޅި އަދި ފޯމް ޕާޓީ އެވެ. އަމިއްލަ ފެންބަޑި ހިފައިގެން އައިސް ހޮނިހިރު ދުވަހު ހަވީރު 4:00 އިން 6:00 އާ ދޭތެރޭ މި މަޖަލުގައި ހުރިހާ ކުދިންނަށް ވެސް ބައިވެރިވެވޭނެ ކަމަށް އުރީދޫން ބުނެ އެވެ.
އުރީދޫގެ ފަރާތުން މި ފެސްޓިވަލުގައި ހޮނިހިރު ދުވަހުގެ ރޭ 8:00 ޖަހާއިރު މޫވީ ނައިޓެއް ބޭއްވުމަށް ވަނީ ހަމަޖެހިފަ އެވެ. މި މޫވީ ނައިޓުގައި ދެއްކުމަށް ހަމަޖެހިފައި ވަނީ "ވުޑީ ވުޑްޕެކަ ގޯޒް ޓު ކޭމްޕް" މި ފިލްމެވެ.
އުރީދޫން ބުނި ގޮތުގައި ސެންޓްރަލް ޕާކުގެ ހިތްގައިމު މާހައުލުގައި އާއިލާ އާއި ރައްޓެހިންނާ އެކު މި ހަފުތާ ބަންދު ހޭދަކޮށްލުމަށް މިއީ ރަނުގެ ފުރުސަތެއް ކަމުގަ އެވެ.
