އެމަނިކުފާނު މިހެން ވިދާޅުވީ ރާއްޖެއިން އިންޑިއާ ސިފައިން ބޭލުމަށްފަހު އެ ދުއްވާ މަދަނީ މީހުންނާއި ގުޅޭ ގޮތުން ދެކެވޭ ވާހަކަތަކަށް ރައްދު ދެއްވަމުންނެވެ.
އިންޑިއާ ސިފައިންގެ ފުރަތަމަ ބެޗް ރާއްޖެ ދޫކޮށް ދިޔައީ މިދިޔަ މާޗު މަހުގެ ކުރީކޮޅެވެ. ދެ ވަނަ ބެޗު ދިޔައީ މިދިޔަ މަހު އެވެ. އެއީ 51 ސިފައިންނެވެ. ބާކީ ތިބި ހުރިހާ ސިފައިން ފުރައިގެން ދިޔައީ މިދިޔަ ބުރާސްފަތީގައި ކަމަށް ސަރުކާރުންވަނީ ބުނެފައެވެ.
ސިފައިން ފޮނުވާލާ ގެނައި މަދަނީ މިޙުންނާއި ގުޅޭ ގޮތުން ވާހަކަ ދައްކަވަމުން ގައްސާން ވިދާޅުވީ މިހާރު އެއްވެސް އިންޑިއާ ސިފައިންގެ މީހަކު ރާއްޖޭގައި ނުހުންނާނެކަމަށެވެ.
ރާއްޖޭގައި ތިބި އިންޑިއާ ސިފައިން އަނބުރާ ފޮނުވާލުމަކީ ރައީސް މުއިއްޒުގެ ރިޔާސީ ވައުދުފުޅެކެވެ. އެ މަނިކުފާނު ވަނީ މި މަހުގެ 10ގެ ކުރިން އިންޑިއާގެ ހުރިހާ ސިފައިން ރާއްޖެއިން ދާނެ ކަމުގެ ޔަގީންކަން ވަރަށް ކުރިން ދެއްވައިފަ އެވެ. އެއީ ދެ ގައުމުން އެއްބަސްވުމެއްގައި ސޮއިކޮށް، އެ އެއްބަސްވުމުގައިވާ ގޮތަށް އެޅި ފިޔަވަޅެކެވެ.
ދިވެހި ސަރުކާރުން އެދިފައި ވަނީ މާޗް މަހުގެ 17 ވަނަ ދުވަހުގެ ކުރީން ރާއްޖޭގައި ތިބި އިންޑިއާ ސިފައިން ގެންގޮސް ނިންމުމަށެވެ. ނަމަވެސް މަަޝްވަރާ އިން އެއްބަސްވެވުނީ ތިން މަހުން -- މެއި 10ގެ ނިޔަލަށް ހުރިހާ ސިފައިން ބާލާ ނިންމާށެވެ.
އެެއީ އިންޑިއާ އިން ބޭނުންވި ގޮތް ނޫން ނަމަވެސް ސަރުކާރުން މަޝްވަރާގެ ރީތި އުސޫލު އިހްތިޔާރުކޮށް ކުރި މަސައްކަތުން އިންޑިއާ އެކަމަށް އެއްބަސް ކުރުވީ އެވެ.
