ރާއްޖޭގައި ތިބި އިންޑިއާގެ ސިފައިން އަނބުރާ އެ ގައުމަށް ފޮނުވާލާފައިވާކަން ރަސްމީކޮށް ހާމަކުރުމަށް މިއަދު ރައީސް އޮފީހުގަައި ބޭއްވި ނޫސްވެރިންގެ ބައްދަލުވުމުގައި ޒަމީރު ވިދާޅުވީ އިންޑިއާއަށް ދައްކަން ޖެހޭ 200 މިލިއަން ޑޮލަރަކީ 2019 ވަނަ އަހަރު ބަޖެޓު ސަޕޯޓުގެ ގޮތުގައި ކުރީގެ ރައީސް އިބްރާހިމް މުހައްމަދު ސޯލިހުގެ ސަރުކާރުން ނަގާފައިވާ ފައިސާއެއް ކަމަށެވެ. އެފަހުން މި ސަރުކާރާ ހަމައަށް އެ ފައިސާ އައީ ކޮންމެ އަހަރަކު ވެސް ރޯލްއޯވާ ކުރަމުން ކަމަށާއި ކުރީ ސަރުކާރުން ލޯނުގެ އެއްވެސް މިންވަރެއް ދައްކާފައި ނުވާ ކަމަށް މިނިސްޓަރު ވިދާޅުވި އެވެ.
ޒަމީރު ވިދާޅުވެފައި ވަނީ އެ ލޯނުގެ ބާކީ ނުދެއްކިވާ ފައިސާ ދެއްކުމުގެ މުއްދަތު އިތުރުކޮށް ދިނުމަށް ދިވެހި ސަރުކާރުން އެދިފައިވާ ކަަމަށެވެ. އެކަމުގެ މުގާބިލުގައި އިންޑިއާގެ ސަރުކާރުން އެއްވެސް ކަމަކަށް އެދިފައިނުވާކަން ވެސް ޒަމީރު ފާހަގަކުރެއްވި އެވެ.
އިންޑިއާގެ ރަސްމީ ފަރާތްތަކުން ބުނެފައިވާ ގޮތުން ކުރީ ސަރުކާރުގައި ލޯނުގެ 200 މިލިއަން ޑޮލަރުގެ ތެރެއިން 50 މިލިއަން ޑޮލަރަކީ ހިލޭ އެހީ ކަމުގައި ހަމަޖައްސައިދީފަ އެވެ. އެހެންކަމުން މިހާތަނަށް ލޯނަށް ނުދެއްކި ވަނީ 100 މިލިއަން ޑޮލަރެވެ.
