މިއީ ހިތުގެ ބަލިތަކަށް ރާއްޖޭގައި އެ ހޮސްޕިޓަލުން ފޯރުކޮށްދެމުންދާ ފަރުވާއަށް ލިބުނު ނުހަނު ބޮޑު ކުރިއެރުމެއް ކަމަށް ޓީޓީއެޗުން ބުނެ އެވެ. ޓީޓީއެޗުން ބުނީ އެ ހޮސްޕިޓަލުގެ ހިތުގެ ފަރުވާއަށް ހާއްސަ ކެތް ލެބްގައި ކާޑިއޮލޮޖީ ޓީމުން ކުރިއަށް ގެންދިޔަ މި ޕްރޮސީޖަތަކުގައި 79 އަހަރާއި 90 އަހަރުގެ ދެ ޕޭޝަންޓުންގެ ހިތުގެ ހިނގުން ރެގިއުލޭޓް ކުރުމަށް ލީޑްލެސް ޕޭސްމޭކަ ލައްވާފައިވާ ކަމަށެވެ.
ޓްރީ ޓޮޕް ހޮސްޕިޓަލުގެ ސީއީއޯ ޑރ. ސްރީވަތްސަން ސްރީދަރް ޖީ ވިދާޅުވެފައި ވަނީ މިއީ އެ ހޮސްޕިޓަލަށް އަދި މުޅި ރާއްޖެއަށް ވެސް ފާހަގަކޮށްލެވޭފަދަ މުހިންމު މުނާސަބަތެއް ކަމަށެވެ. ލީޑްލެސް ޕޭސްމޭކަ ޕްރޮސީޖަ ތައާރަފު ކުރުމާ އެކު، އިތުރު ސިއްހީ ފަރުވާ ހޯދުމަށް ރާއްޖޭން ބޭރަށް ކުރިން ދާން ޖެހިފައިވާ ޕޭޝަންޓުންނަށް ކާޑިއެކް ކެއާގެ ހިދުމަތް މި ދަނީ ރާއްޖޭގައި ފުޅާކުރެވެމުން ކަމަށާއި މިކަމުގެ ސަބަބުން 'ޕޭޝަންޓް އައުޓްކަމްސް' ރަނގަޅުވެ، ރާއްޖޭގައި ހިތުގެ ހިނގުމުގެ މައްސަލަ ހުންނަ ފަރާތްތަކަށް، ފަރުވާ ހޯދުމަށް ހިނގާ ހަރަދުތައް ކުޑަވެގެންދާނެ ކަމަށް އޭނާ ވިދާޅުވި އެވެ.
ލީޑްލެސް ޕޭސްމޭކަ ޓެކްނޮލޮޖީ:
ލީޑްލެސް ޕޭސްމޭކައަކީ ހިތުގެ ހިނގުން މަޑުކޮށްދިނުމަށް، ސީދާ ހިތުގެ ތެރެއަށް ލައްވާ "ސެލްފް ކޮންޓެއިންޑް" ކުޑަ ޑިވައިސްއެކެވެ. އާދައިގެ ޕޭސްމޭކަތަކާ ހިލާފަށް، މިފަދަ ސެލްފް ކޮންޓެއިންޑް ޑިވައިސްތަކުން ކަރަންޓު ޖެނެރޭޓް ކުރުމަށް އިތުރު ބެޓެރި އަދި ނަރުތަކެއް ގުޅާފައެއް ނުހުންނާނެ އެވެ. މީގެ ސަބަބުން ޕޭސްމޭކަ ލައްވާފައިވާ ފަރާތްތަކަށް ވަރަށް ބޮޑު ލުޔެއް ލިބިގެންދާނެ އެވެ.
ޑރ. މިގްދާދާ އެކު މި ޕްރޮސީޖަ ހެދުމުގައި އެ ހޮސްޕިޓަލުގެ ކޮންސަލްޓަންޓް ޑރ. އަމިތް އަގަރްވާލް، ވިޒިޓިންގް ކާޑިއޮލޮޖިސްޓް ޑރ. އަރުން ގޯޕީ އަދި ހޮސްޕިޓަލުގެ ހީވާގި ކެތްލެބް ޓީމުން ހަރަކާތްތެރިވެފައިވާ ކަމަށް ޓީޓީއެޗުން ބުނެ އެވެ.
ޓްރީ ޓޮޕުން ފުރަތަމަ ފަހަރަށް ލީޑްލެސް ޕޭސްމޭކަ އިމްޕްލާންޓް ޕްރޮސީޖަ ކާމިޔާބުކަމާ އެކު ވަނީ ކޮށްފައި - ފޮޓޯ:ޓީޓީއެޗް
ފަރުވާ ހޯދާ ފަރާތްތަކަށް ބޮޑު ލުޔެއް:
މިނިމަލީ އިންވޭސިވް ޕްރޮސީޖަތަކަކީ އުމުރުން ދުވަސްވީ މީހުންނަށް މޭޖަ ސާޖަރީއަކަށް ދިއުމުގެ ބަދަލުގައި ފަސޭހައިން ކޮށްލެވޭ ޕްރޮސީޖަތަކެކެވެ. މި ޕްރޮސީޖަގެ ކޮސްމެޓިކް އިމްޕެކްޓް ކުޑަވުމާއި ދެތިން ދުވަހެއްގެ ތެރޭގައި އާންމު ދިރިއުޅުމަށް ރުޖޫއަވެވޭތީ، މިފަދަ ޕްރޮސީޖަކުރާ މިންވަރު ވަނީ ދުނިޔޭގެ ނިސްބަތުން ވެސް އިތުރުވެފަ އެވެ.
ޓީޓީއެޗުން އަންނަނީ 2018 ވަނަ އަހަރުން ފެށިގެން ރާއްޖޭގެ ސިއްހީ ދާއިރާގައި އެންމެ ކުރީ ސަފުގައި މަސައްކަތް ކުރަމުންނެވެ.
ޓީޓީއެޗުން ބުނި ގޮތުގައި ޒަމާނީ އަދި އީޖާދީ ހިދުމަތްތައް ތައާރަފުކޮށް، އެ ހޮސްޕިޓަލުގެ އަމާޒަކީ ދިވެހި ރައްޔިތުން ރާއްޖޭން ބޭރުން ފަރުވާ ހޯދަން ޖެހޭ މިންވަރު ކުޑަކޮށް، ސިއްހީ ފަރުވާއަށް ކުރާ ހަރަދުތައް ކުޑަކުރުން ކަމުގަ އެވެ.
އިތުރު މައުލޫމާތު ހޯދުމަށް 3351610 އަށް ގުޅުމަށް ނުވަތަ [email protected] އަށް އީމެއިލް ކުރުމަށް ޓީޓީއެޗުން ވަނީ އެދިފަ އެވެ.
