ރާއްޖޭގެ ބޮޑުބަޔަކަށް ވިއްސާރަ ކުރުމާއެކު ގުގުރާނެ ކަމަށާއި، ބައެއް ރަށްތަކަށް ބޯކޮށް ވާރޭވެހި އެކި ރައްތަކުގައި ފެންބޮޑުވާނެ ކަމަށް މެޓުން ބުނެއެވެ.
މެޓުން ބުނީ، ބުރާސްފަތި ދުވަހުން ފެށިގެން ވައި ގަދަވާނެ ކަމަށާއި، ވައި ޖެހޭނީ ހުޅަނގާއި ހުޅަނގުއުތުރުން ގަޑިއަކު 10 މޭލާއި 20 މޭލާ ދެމެދުގެ ބާރުމިނުގައި ކަމަށާއި، ވިލާގަނޑުގައި ގަޑިއަކު ގާތްގަނޑަކަށް 40 މޭލަށް ވައި ގަދަވުން އެކަށީގެންވާ ކަމަށެވެ.
ކަނޑު އާދައިގެ ވަރަކަށް ގަދަވެފައި ވިލާގަނޑުގައި ގަދަވާނެ ކަމަށާއި، ބުރާސްފަތި ދުވަހުން ފެށިގެން ކަނޑުތަށް ވަރަށް ގަދަވާނެ ކަމަށެވެ. އަދި ރާޅުގެ އުސްމިން ހުންނާނީ 3 ފޫޓާއި 6 ފޫޓާއި ދެމެދު ކަމަށް މެޓުން ބުނެ އެވެ.
އެހެންކަމުން ކަނޑު ދަތުރު ކުރާ ފަރާތްތަކުން ހާއްސަ ސަމާލުކަމެއް ދިނުމަށް މެޓުން އިރުޝާދު ދެއެވެ. މެޓުން ބުނީ، ވާރޭ ވެހޭ މިންްވަރު މިދިޔަ އަހަރާ އަޅާބަލާއިރު ވާރޭ ވެހޭ މިންވަރު ކުރިޔާ އަޅާ ބަލާއިރު އިތުރުވާނެ ކަމަށެވެ.
