ޓްރާންސްޕޯޓް މިނިސްޓރީން އިއްޔެވަނީ ޓެކްސީގެ އަގުތަކަށް ބަދަލު ގެނެސްފައެވެ. މައިގަނޑު ބަދަލެެއް ގެނައީ ޑޮމެސްޓިކް ޓާމިލަކަށް ކުރާ ދަތުރާއި 6 ސީޓަށްވުރެ ގިނަ ސީޓް ހިމެނޭ ޓެކްސީތައް ދުއްވަންޖެހޭ އަގަށެވެ.
ޑްރައިވަރުން ބޭއްވި ނޫސްވެރިންގެ ބައްދަލުވުމުގައި ވަނީ ސަރުކާރުގެ މި ނިންމާއި ނުރުހުން ފާޅުކޮށްފައެވެ. އެމީހުން ބުނީ އެ އަގުތައް ސަރުކާރުން ކަނޑައެޅީ ޑްރައިވަރުންނާއި އެއްވެސް ވަރަކަށް މަޝްވަރާ ކުރުމެއް ނެތިކަމަށެވެ. އަދި ހަތް ސީޓުގެ އުޅަނދުތަކަށް ކަނޑައެޅި އަގުތަކަކީ މީ މީގެކުރިން ދަތުރުކުރި އަގުތަކަށްވުރެ އެތައް ގުނަ ދަށްް އަގެއްކަމަށެވެސް ޑްރައިވަރުން ބުނެއެވެ.
6 ސީޓަށް ވުރެ އިތުރަށް ސީޓް ހުންނަ އުޅަނދުތަކުން ޑޮމެސްޓިކް ޓާމިނަލަށް ކުރާ ކޮންމެ ދަތުރަކަށް އިތުރަށް 15 ރުފިޔާ ނެގޭނެކަމަށްް ޓްރާންސްޕޯޓް މިނިސްޓްރީން އިއްޔެ ވަނީ ބުނެއެވެ. ޓެކްސީއަށް އަރަުވާ ލަގޭޖްގެ އަދަދު 3 ވުރެ ގިނަ ނަމަ ކޮންމެ ލަގޭޖަކަށް 5 ރުފިޔާ ނެގުމުގެ ހުއްދަވެސް ޓްރާންސްޕޯޓް މިނިސްޓްރީން ވަނީ ޓެކްސީތަކަށް ދީފައެވެ.
