ތައިލެންޑްގައި މިހާރު ހިނގަމުންދާ ފީފާގެ ކޮންގްރެސްގައި، އިޒްރޭލް ސަސްޕެންޑް ކުރުމަށް ފަލަސްތީނުންވަނީ ގަރާރެއް ހުށަހަޅާފައެވެ.
މި ގަރާރަށް ބައެއް ގައުމުތަކުން ތާއީދުކޮށްފައިވީ ނަމަވެސް ފީފާއިން މިކަމުގައި އަންނަނީ ފަސް ޖެހެމުންނެވެ. ޣައްޒާގައި ހިނގަމުންދާ ހަނގުރާމައާ ގުޅިގެން އިސްރާއީލުގެ ފެޑެރޭޝަން ސަސްޕެންޑް ކުރުމަށް ފަލަސްތީނުން ގޮވާލާ ގޮވާލުމަށް އެއްބަސްވުމާ މެދު ގޮތެއް ނިންމުމުގެ ކުރިން ފީފާއިން ގާނޫނީ އެސެސްމަންޓެއް ހަދަން ޖެހޭ ކަމަށް ފީފާގެ ރައީސްވަނީ ވިދާޅުވެފައެވެ.
ީސރމިހާރު ހިނގަމުންދާ ކޮންގްރެސްގައި އެކަމާ މެދު ގޮތެއް ނިންމުމުގެ ބަދަލުގައި ޖުލައި މަހު ފަހުކޮޅަށް، އެކްސްޓްރާ އޯޑިނަރީ ކޮންގްރެސްއެއް ބާއްވައި އޭގައި ގޮތެއް ނިންމަން ފީފާއިން އަންނަނީ ވިސްނަމުންނެވެ.
ހުކުރު ދުވަހު ބެންކޮކްގައި ބޭއްވި ފީފާގެ ކޮންގްރެސްގައި އިސްރާއީލު ބާކީ ކުރުމަށް ވޯޓެއް ނެގުމަށް ފަލަސްތީނުގެ ފެޑެރޭޝަނުން ގޮވާލިއިރު، އެ ކޮންގްރެސްއަށް އުރުދުންގެ އެފްއޭ އިން ތާއީދުކުރި އެވެ. އެކަމަކު ފީފާގެ ރައީސް ޖިއާނީ އިންފަންޓީނޯ ވިދާޅުވީ އެއީ ގާނޫނީ އެސެސްމަންޓަކަށް ފަހު، ފީފާ ކައުންސިލުން ގޮތެއް ނިންމަން ޖެހޭ މައްސަލައެއް ކަމަށެވެ.
