އެމްއެންޑީއެފުން ބުނީ ގެއްލިގެން ހޯދަމުން އަންނަނީ “AAA-37” ނަމަކަށް ކިޔާ މުދާ އުފުލާ ދޯންޏެއް ކަމަށެވެ. 3 މީހުންނާއެކު މި ދޯނި މ.މެދުފުށި އައިލެންޑް ރިޒޯޓަށް ދިޔުމަޑްް ފުރީ އިއްޔެ ހެނދުނު ހެނދުނު 06:00 ހާއިރުކަމަށްް އެމްއެންޑީއެފުން ބުނެއެވެ. އަދި މި ދޯނީގެ ހަބަރެއް ނުވެގެން އެކަމުގެ ރިޕޯޓް ކޯސްޓްގާޑު މެރިޓައިމް ރެސްކިޔު ކޯޑިނޭޝަން ސެންޓަރ (އެމްއާރުސީސީ) އަށް ލިބިފައިވަނީ އިއްޔެ ހަވީރު 17:20 ހާއިރުކަމަށްވެސް އެމްއެންޑީއެފުން ބުނެއެވެ.
ދޯނި ހޯދުމުގެ މަސައްކަތުގައި އެމްއެންޑީއެފް ކޯސްޓްގާޑް ޝިޕް ޝަހީދު ޢަލީ ދަނީ ކުރަމުންނެވެ. މި ދޯންޏާއި ބެހޭ އެއްވެސް މަޢުލޫމާތެއް ލިބިއްޖެނަމަ ކޯސްޓްގާޑުގެ ހިލޭ ގުޅޭ ނަމްބަރު 191 ގުޅައި މަޢުލޫމާތު ހިއްސާކުރެއްވުން އެމްއެންޑީއެފުން އެދެއެވެ.
ރާއްޖޭގެ ސަރަހައްދުގައި ހުޅަނގު މޫސުމްގެ ބާރު ގަދަވާނެކަމަށް ބެލެވޭތީ މިދިޔަ ބުރާސްފަތު ދުވަހުން ފެށިގެން އަންނަ ހޯމަދުވާއި ހަމައަށް މުޅި ރާއްޖެއަށް ވައިގަދަވާނެކަމަށް މޫސުމާއި ބެހޭ އިދާރާއިން ވަނީ ލަފާކޮށްފައެވެ. އެހެންކަމުން ހުރިހާ ފަރާތްތަކުން ހާއްސަކޮށް ކަނޑުދަތުރުކުރާ ފަރާތްތަކުން މޫސުމަށް ސަމާލުވުމަށް މެޓް އޮފީހުން ވަނީ ިއލްތިމާސްކޮށްފައެވެ.
