މާލޭ ސިޓީ ކައުންސިލް އިން އެކްސް މެދުވެރިކޮށް ކުރި ޕޯސްޓެއްގައި ބުނީ ރައްކާތެރި ކަމުގެ ފިޔަވަޅު ނާޅާ، ޤަވާއިދާއި ހިލާފަށް މަސައްކަތް ކުރަމުންދިޔަ ތަނެއްގެ މަސައްކަތް މިއަދު ހުއްޓުވާ، ޖޫރިމަނާ ކޮށްފައިވާކަމަށެވެ.
ސިޓީ ކައުންސިލުގެ އޮފިޝަލަކު ވިދާޅުވި ގޮތުގައި އެމީހުން ޖޫރިމަނާ ކޮށްފައިވަނީ 500 ރުފިޔާއިންނެވެ.
އަދި މަސައްކަތް ކުރާއިރު އެންމެހާ ބޭފުޅުންވެސް މަސައްކަތުގެ މާހައުލުގެ ރައްކާތެރިކަމަށް ސަމާލުކަން ދެއްވުމައްވެސް އެ ޕޯސްޓްގައި މާލޭ ސިޓީ ކައުންސިލުން ވަނީ އިލްތިމާސްކޮށްފަ އެވެ.
ރައްކާތެރި ކަމުގެ ފިޔަވަޅުނާޅައި މަސައްކަތް ކުރާ އަދި މީހުން ލައްވާ މަސައްކަތް ކުރުވާ މައްސަލައަކީ މިހާރު ވަރަށް އާންމުވެފައިވާ މައްސަލައެކެވެ. ގިނަ ފަހަރު މާލޭގެ އުސް އިމާރާތްތަކުގެ މަސައްކަތްތައް ކުރާއިރުވެސް ރައްކާތެރިކަމުގެ ފިޔަވަޅު އަޅައިގެން މަސައްކަތް ކުރާތަން ފެންނަނީ ވަރަށް މަދުންނެވެ.
މޫސުން ގޯސްވެ އާދަޔާ ހިލާފަށް ވައިގަދަވުމުގެ ސަބަބުން އިއްޔެ ހަވީރު ވަނީ ހުޅުމާލޭގެ އިމާރާތްކުރަމުންދާ އެޕޯލޯ ޓަވަރު މަތީ ހަރުކޮށްފައި ހުރި ފެންސުތަކެއް ވެއްޓިފަ އެވެ.
