ކާންޓޭ
ކާންޓޭ އަލުން ގައުމީ ޓީމަށް
ސްޕޯޓްސް ޓީމް
18 މޭ 2024 - 20:19:00
ޖަރުމަނުގައި އަންނަ މަހު އޮންނަ ޔޫރޯ ފުޓްބޯޅަ މުބާރާތަށް ނެގި، ފްރާންސްގެ ގައުމީ ޓީމުގައި ސައުދީ އަރަބިއްޔާގައި ކުޅެމުން އަންނަ އެންގޯލޯ ކާންޓޭ ހިމަނައިފި އެވެ.
Advertisement
މިއީ 2022 ވަނަ އަހަރުގެ ފަހުން ކާންޓޭ ގައުމީ ޓީމުގައި ހިމެނުނު ފުރަތަމަ ފަހަރެވެ. ސައުދީގެ އަލް އިއްތިހާދަށް ކްރިސްޓިއާނޯ ރޮނާލްޑޯއާ އެކު ކުޅެމުން އަންނަ ކާންޓޭ އެންމެ ފަހުން ފްރާންސަށް ކުޅުނީ 2022 ވަނަ އަހަރުގެ ޖޫން މަހުއެވެ. އެ އަހަރު އޮތް ވޯލްޑްކަޕުގައިވެސް ކާންޓޭ ނުކުޅެއެވެ. އެކަމަކު ކާންޓޭ އަކީ 2018 ވަނަ އަހަރު ފީފާ ވޯލްޑް ކަޕް ފްރާންސް ކާމިޔާބުކުރި ޓީމުގެ މުހިންމު ކުޅުންތެރިއެކެވެ.
ފްރާންސްގެ ޓީމުގައި ކާންޓޭ އަލުން ހިމަނާފައިވާއިރު، ކާންޓޭއަށް އަލުން ފުރުސަތު ދިން އެންމެ ބޮޑު ސަބަބަކީ އޭނާގެ ތަޖުރިބާ ކަމަށް ކޯޝު ޑެޝޯމްޕްސްވަނީ ބުނެފައެވެ.
ޔޫރޯގައި ފްރާންސް އޮތީ ގުރޫޕް ޑީގައެވެ. އެ ގްރޫޕުގައި ދެން ހިމެނެނީ އޮސްޓްރިއާ، ނެދަލޭންޑްސް އަދި ޕޮލެންޑް އެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
