Advertisement

މެޓް އޮފީހުން ބުނެފައިވަނީ އިއްޔެ މ. މުއްޔަށް ވިލާގަނޑުގައި 64 މޭލު ބާރުމިނުގައި ވައިޖެހިފައިވާ ކަމަށެވެ.

އިއްޔެ އައްޑޫސިޓީ ގަމަށް އާންމު ވައި 32 މޭލު ބާރުމިނުގައި ޖެހުނުއިރު ވިލާގަނޑުގައި 52 މޭލު ބާރުމިނުގައި ވައިޖެހިފައިވެއެވެ. މީގެއިތުރުން ފ. ނިލަންދޫއަށްވެސް ވިލާގަނޑުގައި 52 މޭލު ބާރުމިނުގައި ވައިޖެހިފައިވެ އެވެ.

މެޓް އޮފީހުގެ ހިސާބުތައް ދައްކާ ގޮތުގައި، ފާއިތުވި 24 ގަޑިއިރުގެ ތެރޭގައި އެންމެ ގިނައިން ވާރޭވެހުނީ ރ. އަލިފުއްޓަށެވެ. އެއީ 40.4 މިލިމީޓަރުގެ ވާރޭއެވެ.

ރާއްޖެ އަށް މިދުވަސްވަރު ހުޅަނގު މޫސުމުގެ ވިއްސާރަ ކުރަމުންދާ އިރު، މިއަދު ވެސް ރާއްޖޭގެ ގިނަ ހިސާބުތަކަށް މޫސުން ގޯހެވެ. އަދި ވައިގަދަވެ ކަނޑުތައް ގަދަވާނެ ކަމަށް ލަފާކޮށްފައިވެ އެވެ.