ސަލާހްގެ ސޮއި ހޯދުމަށް، ސައުދީން މިދިޔަ ސެޕްޓެމްބަރު މަހު 150 މިލިއަން ޕައުންޑްގެ ހުށަހެޅުމެއް ހުށަހެޅި ނަމަވެސް ލިވަޕޫލުންވަނީ އެ ހުށަހެޅުމަށް ނޫނެކޭ ބުނެފައެވެ. އެހެންނަމަވެސް، ސައުދީން ސަލާހު ހޯދުމަށް ކެނޑިނޭޅި މަސައްކަތް ކުރަމުން އަންނައިރު، ސަލާހްގެ ޝައުގުވެރިކަންވެސް އެ ދިމާލަށް ހުރި ކަމަށް ބައެއް ރިޕޯޓްތައް ބުނެއެވެ.
މި ސީޒަނުގައި ހުރިހާ މުބާރާތެއްގައި ކުޅުނު 44 މެޗުން ސަލާހު 25 ގޯލް ކާމިޔާބުކުރިއެވެ. ސަލާހު ވަނީ 2019 ވަނަ އަހަރު ޗެމްޕިއަންސް ލީގާއި ކްލަބް ވޯލްޑް ކަޕާއި 2019-20 ވަނަ އަހަރު ޕްރިމިއާ ލީގުގެ ޗެމްޕިއަންކަން ލިވަޕޫލަށް ހޯދައިދިނުމުގައި މުހިއްމު ދައުރެއް އަދާކޮށްފައެވެ. ލިވަޕޫލް މި ސީޒަނުގައި ޕްރިމިއާ ލީގުގެ ތިން ވަނަ ހޯދިއިރު، ޗެމްޕިއަން މެންޗެސްޓާ ސިޓީއަށް ވުރެ ނުވަ ޕޮއިންޓް ފަހަތުގައި އޮތްއިރު، ލީގުގައި ސަލާހު ޖެހި 18 ގޯލަކީ 2017 ވަނަ އަހަރު ރޯމާއިން އައި ފަހުން އޭނާ ޖެހި އެންމެ ދަށް ގޯލެވެ.
ލިވަޕޫލްގައި ސަލާހުގެ ކޮންޓްރެކްޓްގައި ބާކީ އޮތީ އެއް އަހަރު އަދި އެބައޮތެވެ. ރިޕޯޓްތައް ބުނާ ގޮތުން އާ ކޯޗުގެ ކޮންޓްރެކްޓާއެކު، ސަލާހުގެ ވިސްނުން މިހާރު ހުރީ ލިވަޕޫލްގައި އަދި މަޑު ކުރާށެވެ.
ފާއިތުވި 18 މަސް ދުވަހުގެ ތެރޭގައި ސައުދީ އަރަބިއްޔާއަށް ބަދަލުވި މަތީ ފަންތީގެ ކުޅުންތެރިންގެ ތެރޭގައި ކްރިސްޓިއާނޯ ރޮނާލްޑޯ، ނޭމާ، ކަރީމް ބެންޒެމާ އަދި ރިޔާދު މަހްރޭޒް ހިމެނެ އެވެ.
