އަންހެން ދުޅާ ހެދިގެން އުޅޭ ނަބީލްގެ ބަންދު މި ފަހަރު ފުރަތަމަ ޖެހި 15 ދުވަސް ހަމަވެގެން އިއްޔެ އަލުންވަނީ އެ މުއްދަތު އަނެއްކާވެސް އިތުރު 15 ދުވަހަށް ދިގު ދައްމާލައިފައެވެ. މީނާ ކޯޓު އަމުރެއްގެ ދަށުން ހައްޔަރުކުރީ މި މަހު ކުރީކޮޅުއެވެ.
ޔާޔާގެ ނަމުގައި މަޝްހޫރުވެފައިވާ ރަނޑު މި ފިރިހެން މީހާ ހައްޔަރުކޮށްފައި މިވަނީ ފަހަކަށް އައިސް އަނެއްކާވެސް އަންހެން ހެދިގެން ޓިކްޓޮކް ކުޅެމުންދާތީ ގިނަ ބަޔަކު އެކަމުގެ ކަންބޮޑުވުން ފާޅުކުރަމުން ދަނިކޮށެވެ. މީގެ ކުރިންވެސް ފުލުހުން ވަނީ އޭނާގެ މި ފަދަ މައްސަލައެއް ބަލާފައިވެ އެވެ.
މި ރަނޑު ފިރިގެން މީހާ ހައްޔަރުކޮށްފައިވަނީ ކޯޓު އަމުރެއްގެ ދަށުން، އާންމު އިޖުތިމާއީ މިންގަނޑުތަކާ ހިލާފަށް ނިވާކަން ކުޑަ އަންހެން ހެދުން އަޅައިގެން ސޯޝަލް މީޑިއާގައި ވީޑިއޯ އާންމު ކުރަމުންދާ މައްސަލައިގަ އެވެ.
ޔާޔާގެ މައްޗަށް ފުލުހުން ވަނީ މީގެކުރިންވެސް އޮރިޔާން ކާޑު ގެންގުޅުމާއި އޮރިޔާން ކާޑު ހެދުމުގެ ދައުވާކޮށްފަ އެވެ. އެ ދައުވާއަށް އޭނާ އިންކާރު ކުރިޔަސް ހުކުމްގައި ވަނީ ދައުލަތުން ހުށަހެޅި ހެކިތަކުން އޭނާގެ މައްޗަށް ކުށް ސާބިތުވާ ކަމަށެވެ.
