އޭނާއަކީ އެބޯޑުގައި މޯލްޑިވްސް އެސޯސިއޭޝަން އޮފް ޓްއަރިޒަމް (މަޓީ) ތަމްސީލް ކުރައްވަމުން ގެންދެވި މެންބަރެވެ. އޭނާ އިސްތިއުފާދިން ސަބަބެއް ސާފެއް ނުވެެއެވެ.
އެނގިފައިވާ ގޮތުގައި މަޓީގެ އެގްޒެކްޓިވް ޑިރެކްޓަރުގެ ގޮތުގައި ހުންނެވި ރާފިލް އެމްއެމްޕީއާރުސީ ބޯޑުން އިސްތިއުފާ ދިނީ އެ ބޯޑުގެ ބައެއް ނިންމުތަކާއި ހިތްހަމަނުޖެހިގެންނެވެ.
ރާފިލް އެމްއެމްޕީއާރުސީ ބޯޑުން އިސްތިއުފާ ދީފައި މިވަނީ އެ ބޯޑުގެ ޗެއާޕާސަން އައިޝާ ނޫރައިން ރޭ އިސްތިއުފާ ދެއްވާފައި ވަނިކޮށެވެ. ނޫރައިން އިސްތިއުފާ ދެއްވި ވަކި ސަބަބެއް ސާފުވާ ގޮތެއް އަދި ނުވެ އެވެ. ނޫރައިން އެމްއެމްޕީއާރުސީގެ ޗެއާޕާސަންގެ މަގާމަށް އައްޔަންކޮށްފައި ވަނީ މިދިޔަ ޑިސެމްބަރު މަހުގެ 27 ވަނަ ދުވަހު އެވެ.
ނޫރައިންއަކީ މަޝްހޫރު ވިޔަފާރިވެރިޔާ އަދި ރައީސް ޑރ. މުހައްމަދު މުއިއްޒުގެ ޓްރޭޑް އެންޑް އިންވެސްޓްމަންޓްގެ އެޑްވައިޒަރު މުހައްމަދު އަލީ ޖަނާހު ދަރިކަނބަލުންނެވެ. ހޮޓެލްސް އެންޑް ރިސޯޓްސް އިންވެސްޓްމަންޓް މޯލްޑިވްސްގެ ޑިރެކްޓަރުންގެ ބޯޑުގެ ވައިސް ޗެއާކަން ވެސް ކުރައްވާ ނޫރައިންއަކީ ލީޑާޝިޕް ކޯޗިން އަދި ކޮންސަލްޓިންގެ މަސައްކަތް ކުރައްވާ ބޭފުޅެކެވެ.
