އިޖުމައީ އަދި އާއިލީ ތަރައްގީއާއި ބެހޭ ވުޒާރާއިން ބުނީ, 10 މީހުންގެ ޖާގައިިގެ, މި ވޯޑަކީ ނަފްސާނީ ބައްޔަށް ފަރުވާ ހޯދަމުންދާ އަދި މުޖުތަމައަށް ނިކުތުމަށް ތައްޔާރަށް ތިބި އަންހެނުންނަށް ހާއްސަކޮށްގެން ހުޅުވި ވޯޑެއް ކަމަށެވެ.
މީގެ އިތުރުން ފިރިހެނުންނަށް ހާއްސަ 14 އެނދުގެ އެފަދަ އެހެން ވޯޑެއް އަންނަ މަހު ހުޅުވުމަށް ތައްޔާރުވުން އަންނަ ކަމަށް ވެސް މިނިސްޓްރީން ބުނެ އެވެ.
މި ވޯޑް ހުޅުވުމުގެ އެންމެ ބޮޑު އެއް މަގުސަދަކީ ގޭތެރޭގެ ދިރިއުޅުމުގައި ބޭނުންކުރާ ހުނަރު ތަކާއި އާންމު އިޖުތިމާޢީ ހުނަރުތައް ދަސްކޮށްދިނުންކަމަށް އެ ވުޒާރާއިން ބުންޏެވެ.
ގުރައިދޫ މަރުކަޒުގައި މިހާރު 220 މީހުން ތިބިއިރު އޭގެ ތެރޭގައި ހިމެނެނީ 133 ފިރިހެނުންނާއި, 87 އަންހެނުންނާއި، އެނދުމަތިވެފައިވާ 15 މީހުން އަދި ނަފްސާނީ ގޮތުން ބަލި 183 މީހުންނެވެ. މީގެ ތެރޭގައި 65 އަހަރުން މަތީގެ 31 މީހުން ހިމެނެ އެވެ.
