އެތުލީޓުންނާއި، ކުޅިވަރުގެ ހިދުމަތްތެރިންގެ އަގު ވަޒަން ކުރުމުގެ ގޮތުން، ކުރީ ސަރުކާރުން ފެށި، މޯލްޑިވްސް ސްޕޯޓްސް އެވޯޑްސް ހަމަ އެ ނަމުގައި ކުރިއަށް ގެންދަން މި ސަރުކާރުންވެސްވަނީ ނިންމާފައެވެ.
މި ސަރުކާރުގެ ފުރަތަމަ ސްޕޯޓްސް އެވޯޑްސް އޮންނާނީ އަންނަ މަހުގެ 27 ވަނަ ދުވަހު އެވެ. މި ފަހަރުގެ އެވޯޑްސް ހޮވުމުގައި އާޓިފިޝަލް އިންޓެލިޖެންސް (އޭއައި)ގެ އެހީތެރިކަން ހޯދަން މި ފަހަރުގެ ޖަޖުން ޕެނަލުންވަނީ ނިންމާފައެވެ. ވަނަތައް ހޮވުމުގައި އޭއައި ބޭނުންކުރާނީ ތަފާތު ކުޅިވަރުތަކުގައި ޕޮއިންޓުދޭ އުސޫލުތަކުގައި ތަފާތު ހުރުމުން، ވަނަތައް ހޮވުމުގައި ދިމާވާ ގޮންޖެހުންތައް ކުޑަ ކުރުމަށެވެ.
ފުރަތަމަ އެވޯޑު ހަފްލާ ބާއްވާފައި ވަނީ 2022 ވަނަ އަހަރު އެވެ. އޭގެ ފަހުން 2023 ވަނަ އަހަރު ވެސް އެވޯޑު ހަފްލާ ބޭއްވިއިރު، މި ދެ ފަހަރު ވެސް ދުނިޔޭގެ މަޝްހޫރު ކުޅިވަރު ޝަޚުސިއްޔަތުން ވަނީ ބައިވެރިވެފަ އެވެ.
