އޭޕްރީލް މަހު ފެމިލީ ކޯޓުން 144 ކައިވެނި ރަޖިސްޓާ ކޮށްފައިވާއިރު 101 މީހުން ވަރިވުމަށް ހުށަހަޅާފައި ވެއެވެ. އޭގެ ތެރެއިން 60 ފަރާތެއް ވަނީ ވަރިވެފަ އެވެ. ފެމެލީ ކޯޓަށް މިދިޔަ އޭޕްރީލް މަހު ހުށައެޅި އާއިލީ މައްސަލަތަކުގެ އަދަދު 125 އަށް އަރައެވެ.
އޭޕްރީލް މަހުގެ ކުރިން ހުށަހަޅާފައިވާ މައްސަލަތަކާއިއެކު ފެމިލީ ކޯޓުން ވަނީ 80 ވަރީގެ މައްސަލަތައް ނިންމާފަ އެވެ. އަދިވެސް ނުނިމިހުރި 168 ވަރީގެ މައްސަލަތައް ޕެންޑިންގައި ހުރިއިރު ނިމިދިޔަ މަހު ހުށަހެޅުނު ވަރީގެ މައްސަލަތަކުގެ ތެރޭގައި 147 ވަރީގެ މައްސަލައެއް އެބަހުއްޓެވެ.
ފެމިލީ ކޯޓުގެ ތަފާސް ހިސާބުތައް ދައްކާ ގޮތުން ކައިވެންޏާއި ވަރީގެ އިތުރުން ގެވެށި އަނިޔާއާއި ގުޅޭ 16 މައްސަލައެއްވެސް އޭޕްރީލް މަހު ނިންމި އެވެ. އަދި 8 މައްސަލައެއް ނުނިމި އެބަ އޮތެވެ.
މީގެ އިތުރުން، ކުޑަކުދިންނާއި ގުޅުންހުރި 6 މައްސަލައެއް ކޯޓުން ނިންމި އިރު ނުނިމޭ 45 މައްސަލައެއް އެބަ އޮތެވެ.
