މަރުކަޒީ ބޭންކް، އެމްއެމްއޭގެ ތަފާސް ހިސާބުތަކުން މިއީ މިދިޔަ އަހަރުގެ ޖެނުއަރީ މަހު ޔޫސަބަލް ރިޒާވްގައި ހުރި 110 މިލިއަން ޑޮލަރަށް ވުރެ ހަތަރު މިލިއަން ޑޮލަރު އިތުރު އަދަދެކެވެ. އެޕްރީލު މަހު ޔޫސަބަލް ރިޒާވްގައި ހުރި އަދަދު އިތުރުވި ނަމަވެސް އެ އަދަދަކީ މިދިޔަ އަހަރުގެ އެޕްރީލް މަހު ރިޒާވްގައި ހުރި 151 މިލިއަން ޑޮލަރާ އަޅާބަލާއިރު 37 މިލިއަން ޑޮލަރު މަދު އަދަދެކެވެ.
މިދިޔަ ޑިސެމްބަރު މަހު ޔޫސަބަލް ރިޒާވްގައި ހުރީ 179 މިލިއަން ޑޮލަރެވެ. އެ މަހަށް ވުރެ މިދިޔަ އެޕްރީލު މަހު ރިޒާވް ވަނީ 65 މިލިއަން ޑޮލަރު ދަށްވެފަ އެވެ. ޔޫސަބަލް ރިޒާވްގައި މި އަހަރުގެ ފުރަތަމަ ހަތަރު މަސް ދުވަހު އެވްރެޖުކޮށް ހުރީ 115 މިލިއަން ޑޮލަރެވެ.
ރަސްމީ ރިޒާވުގައި މިދިޔަ އަހަރުގެ އެޕްރީލު މަހު 757 މިލިއަން ޑޮލަރު ހުރިއިރު، މި އެޕްރީލު މަހު ރިޒާވުގައި ހުރީ 622 މިލިއަން ޑޮލަރެވެ. އެއީ މިިދިޔަ އަހަރުގެ އެ މަހާ އަޅާބަލާއިރު، 135 މިލިއަން ޑޮލަރުގެ ދަށް ވުމެކެވެ. މިދިޔަ އަހަރަށް ވުރެ ޔޫސަބަލް ރިޒާވްގައި ހުރި އަދަދު ދަށަށް ދިޔަ ނަމަވެސް މި އަހަރުގެ ޖެނުއަރީ މަހަށް ވުރެ ރަސްމީ ރިޒާވްގައި ހުރި އަދަދު 71 މިލިއަން ޑޮލަރަށް ވަނީ އިތުރުވެފަ އެވެ. ރަސްމީ ރިޒާވުގައި މިދިޔަ އަހަރު ނިމުނުއިރު ހުރީ 590 މިލިއަން ޑޮލަރެވެ.
