އެ ފްލައިޓް ފުރާފައި ވަނީ މިއަދު ހަވީރު 16:00 ގައި ވެލާނާ އިންޓަނޭޝަނަލް އެެއާޕޯޓުންނެވެ. މި ފްލައިޓްގައި 384 ހައްޖާޖީން ވަނީ ފުރާފަ އެވެ. އެ ފްލައިޓް ޖިއްދާއަށް ޖައްސާނެ ކަމަށް ލަފާކުރެވެނީ މިރޭ ރާއްޖެ ގަޑިން 21:21 ގައެވެ.
މި އަހަރު ރާއްޖެއިން ހައްޖަށް މީހުން ގެންދަނީ ހަމައެކަނި ހައްޖު ކޯޕަރޭޝަނުންނެވެ. އިސްލާމިކް މިނިސްޓްރީ ބުނެފައިވާ ގޮތުގައި އެހީތެރިން ފިޔަވާ މި އަހަރު ރާއްޖެއިން 980 މީހަކު ހައްޖަށް ދާނެ އެވެ. ސައުދީއިން ރާއްޖެއަށް ދޫކުރާ ހައްޖު ކޯޓާގެ އަދަދަކީ 1000 އެވެ.
ދިވެހި ހައްޖާޖީންގެ ދެވަނަ ގުރޫޕު ފުރުން
އިތުރަށް ލިބުނު 150 ކޯޓާގައި ދާ މީހުން ފުރުމަށް ހަމަޖެހިފައިވަނީ މިމަހުގެ 10ވަނަ ދުވަހުކަމަށެވެ. މި މީހުންނަށް ބޭނުންވާ އިންތިޒާމްތައްވެސް މިހާރު ހަމަޖައްސަމުންދާކަމަށް ހައްޖު ކޯޕަރޭޝަންގެ ހެޑް އޮފް އޮޕަރޭޝަންސް އައިޝަތު ގާހިރު ވިދާޅުވި އެވެ.
ހައްޖަށްދާ މީހުން ފުރުމަށް ހަމަޖެހިފައިވަނީ ތިން ގްރޫޕަކަށް ބަހާލައިގެންނެވެ. މިދިޔަ ހުކުރު ދުވަހު ފުރި ފުރަތަމަ ގްރޫޕްގައި 272 ހައްޖުވެރިންނާއި 26 އެހީތެރިންނެވެ. މިއަދު ފުރީ 355 ހައްޖާޖީންނާއެކު އެވެ. ސައުދީ އެއާލައިންސްގެ ޑައިރެކްޓް ފްލައިޓްގައި ހައްޖުވެރިންގެ ދެވަނަ ފްލައިޓް މިއަދު ފުރިިއިރު، ތިން ވަނަ ފްލައިޓް ފުރާނީ މިމަހު ހަތް ވަނަ ދުވަހެވެ.
މިއަހަރުގެ ހައްޖު ދުވަހަކީ މި މަހުގެ 16 ވަނަ ދުވަހެވެ.
