
ފުލުހުން ބުނީ މި ސައިކަލްތަކުގައި އަލިފާން ރޯކޮށްލާފައިވަނީ ރޭ ދަންވަރުގެ ވަގުތެއްގައިކަމަށެވެ. އަދި އަލިފާން ރޯކޮށްލުމުގެ ސަބަބުން ހަތް ސައިކަލަކަަށް ގެއްލުން ލިބިފައިވާކަމަށާއި މީގެތެރެއިން 3 ސައިކަލް ބޭނުން ނުކުރެވޭވަރަށް ހަލާކުވެފައިވާކަމަށް ފުލުހުން ބުނެއެވެ.
ފުލުހުންގެ ތަރުޖަމާނު އަހްމަދު ޝިފާން ވިދާޅުވީ ސައިކަލްތަކުގައި އަލިފާން ރޯކޮށްލި މީހުން ދެނެގަަނެވިފައިވާކަމަށެވެ. އަދި އެމީހުން ހައްޔަރުކުރުމަށް ފުރިހަމަ ކުރަންޖެހޭ ކަންކަން ފުރިހަމަ ކުރަމުން އަންނަކަމަށްވެސް ޝިފާން ވިދާޅުވިއެވެ.
ސައިކަލްތަކުގައި ރޯކޮށްލި އަލިފާން ނިންވާލުމުގެ މަސައްކަތުގައި ފަޔާ އެންޑް ރެސްކިއު ޓީމު މަސައްކަތްކުރަނީ
މި ހާދިސާގައި އެތަނުގައި ޕާކުކޮށްފައި އޮތް ވޭނަކަަށްވެސް ވަނީ ބޮޑެތި ގެއްލުންތަކެއް ލިބިފައެވެ.
ފުލުހުން އަންނަނީ މި މައްސަލަ ތަހުގީގު ކުރަމުންނެވެ.