މެޓުން "ސީއެންއެމް" އަށް ބުނީ އީދުގެ ކުރީ ދެދުވަހު ރާއްޖެއަށް ކޮންމެވެސް ވަަރަކަށް ވިއްސާރަކުރާނެ ނަމަވެސް ކަނޑުތަތުރު ފަތުރު ނުކުރެވޭ ވަރަަށް ވައިވެސް ގަދަނުވާނެކަމަށް ލަފާކުރާކަމަށެވެ.
ދިވެހި ކަލަންޑަރުން ދައްކާގޮތުގައި ހައްޖު ދުވަހަކީ މިމަހުގެ 15 ވަނަ ދުވަސްކަމަށްވާއިރު އަލްހާ އީދު ވާނީ 16 ވަނަ ދުވަހަށެވެ.
ސަރުކާރުން ވަނީ ބޮޑު އީދަށް އެކި ހަރަކާތްތައް އިންތިޒާމްކޮށްފަ އެވެ. އެގޮތުން މިއަހަރުގެ ބޮޑު އީދު ގައުމީ ފެންވަރުގައި ތިން ރަށެއްގައި ފާހަގަކުރަން ދިވެހިބަހާއި ސަގާފަތާއި ތަރިކައާ ބެހޭ ވުޒާރާއިން ވަނީ ނިންމާފަ އެވެ. ބޮޑު އީދު ގައުމީ ފެންވަރުގައި ފާހަގަކުރަން ނިންމި ރަށްތަަކަކީ ދ.ކުޑަ ހުވަދޫ، ރ.އުނގޫފާރު އަދި ގއ. ވިލިނގިލީގަ އެވެ. އެހެން ކަމުން ދަތުރުފަތުރަށް ބާރު ބޮޑުވެ ކަނޑުމަގުން އަދި ވައިގެ މަގުން ކުރާ ދަތުރުތައް ބޮޑުތަނުން އިތުރުވާނެ ކަމަށް ބެލެވެ އެވެ.
