ޖޮކޮވިޗް
ޖޮކިވިޗްގެ ކަކޫ އޮޕަރޭޝަން ކޮށްފި
ސްޕޯޓްސް ޓީމް
07 ޖޫން 2024 - 19:47:43
އަނިޔާގެ ސަބަބުން ފްރެންޗް އޯޕަން ގްރޭންޑް ސްލޭމް ޓެނިސް މުބާރާތުގެ ކުއާޓާ ފައިނަލުން ވަކިވި ދުނިޔޭގެ އެއް ވަނަ ނޮވަކް ޖޮކޮވިޗް ކަކުލުގެ އޮޕަރޭޝަނެއް ކޮށްފިއެވެ.
Advertisement
ފްރެންޗް އޯޕަން މުބާރާތުގެ ކުއާޓާއިން ޖޮކޮވިޗް ވަކިވީ އޭނާގެ ކަނާތު ކަކުލަށް ލިބުނު އަނިޔާއަކާ ގުޅިގެން އިތުރަށް މުބާރާތުގައި ނުކުޅެވޭނެކަން ޔަގީންވެގެންނެވެ.
އޭނާ މިއަދުވަނީ އެ ކަކުލުގެ އޮޕަރޭޝަނެއް ކޮށްފައެވެ. އޮޕަރޭޝަން ކާމިޔާބު ކަމަށް ރިޕޯޓްތައް ބުނި ނަމަވެސް އެ އޮޕަރޭޝަންގެ ސަބަބުން ކުރިއަށް އޮތް އޮލިމްޕިކްސްގައި އަދި ވިމްބެލްޑަންގައި ޖޮކޮވިޗަށް ކުޅެވޭނެ ކަމާމެދު ޝައްކެވެ. ވިމްބްލްޑަން މުބާރާތް އޮންނާނީ ޖުލައި އެކަކުން 14 އަށެވެ. އަދި އޮލިމްޕިކްސްގައި ޓެނިސް އޮންނާނީ ޖުލައި 27 ން އޮގަސްޓް ހަތަރަކަށެވެ.
ރިޕޯޓްތައް ބުނާ ގޮތުން އޭނާ އެންމެ ފަހުން ކުޅެފައިވަނީވެސް ތަދު ކަނޑުވާ ބޭސް ކައިގެންނެވެ. އޮޕަރޭޝަންގެ ކުރިން ހެދި އެމްއާރުއައި ޓެސްޓްތަކާއި ސްކޭންތުން އެނގުނު ގޮތުގައި، ޖޮކޮވިޗްގެ ކަނާތު ކަކުލުގެ މެނިސްކަސްވަނީ އިރައިގެން ގޮސްފައެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
