އަޒްނީން ވަނީ ރާއްޖޭގައި މިހާރު ކުރިއަށްދާ ދެކުނު އޭޝިއާގެ ބޮޑީބިލްޑިން ޗެމްޕިއަންޝިޕުގެ ސްޕޯޓްސް ފީޒީކް އަޕްޓު 170 ސެންޓިމީޓަރުގެ ކެޓަގަރީން ރަން މެޑަލް ހޯދާފައެވެ. އަޒްނީންވަނީ މީގެ ރަން މެޑަލް ކުރިން ދެފަހަރު ހޯދާފައެވެ. ތިންވަނަ ފަހަރު ރަން މެޑަލް ހޯދައި އޭނާވެފައިވަނީ ދެކުނު އޭޝިއާގެ ޗެމްޕިއަންޝިޕަކުން ވިދިވިދިގެން ތިން ރަން މެޑަލް ހޯދި ރާއްޖޭގެ ހަމައެކަނި އެތުލީޓަށެވެ. މި ރަން މެޑެއްޔާއެކު އަޒްނީނަށް ލިބޭނެ އެންމެ ބޮޑު ޝަރަފަކީ، ރާއްޖޭގެ ފަސްގަނޑުގައި ބޭއްވި ބައިނަލްއަޤްވާމީ ތިން މުބާރާތެއްގައި ރަން މެޑަލް ހޯދި ފުރަތަމަ އެތުލީޓްގެ ޝަރަފެވެ.
ރާއްޖޭގައި 2022 ގައި ބޭއްވި އޭޝިއަން ޗެމްޕިއަންޝިޕުން ފަށައިގެން އަޒްނީން ދަމަހައްޓަމުން އައި ރިކޯޑުގެ ތެރެއިން އޭނާ ވަނީ އެ އަހަރު ނޭޕާލުގައި ބޭއްވި ދެކުނު އޭޝިއާ މުބާރާތުގައި ވެސް ރަން މެޑަލް ހޯދާފައެވެ. އަދި މިދިޔަ އަހަރު ރާއްޖޭގައި ބޭއްވި މުބާރާތުން ވެސް ރަން މެޑަލް ހޯދިއެވެ.
މުބާރާތުގެ ރަސްމީ އިވެންޓްތައް ފެށީ އިއްޔެ އެވެ. މާދަމާގެ ނިޔަލަށް ކުރިޔަށްދާ މި މުބާރާތުގެ އެންމެ ފުރަތަމަ ދުވަހު ކުރިއަށްދިޔަ އިވެންޓުތަކުގެ ތެރެއިން ރާއްޖޭގެ ފަތުހުﷲ މުހައްމަދާއި ޝާހީން ވާދަކުރި އިވެންޓުތަކުން ވަނީ ރަން މެޑަލް ހޯދާފައެވެ.
