މިއަހަރު ހައްޖަށް ދާ މީހުންނާއި އެކު އިސްލާމިކް މިނިސްޓަރުގެ ޑރ. މުހައްމަދު ޝަހީމް އަލީ ސައީދުގެ ދެކަނބަލުންވެސް މިިއަދު ފުރާނެއެވެ.
ހައްޖަށް ފުރަން އެއާޕޯޓްގައި ހުންނަވާ ޑރ. ޝަހީމް ނޫސްވެރިންނާއި ވާހަކަ ދައްކަވަމުން ވިދާޅުވީ ހައްޖު ކޯޕަރޭޝަންގެ ކިއުގެ ކަންތައް ކުރިޔަށް ގެންދަނީ ވަރަށް އަދުލުވެރިކަމާއި އިންސާފުވެރިކަމާއި އެކު ކަމަށެވެ. ޝަހީމް ވިދާޅުވީ ހައްޖު ކޯޕަރޭޝަންގެ ކިއު ދިގުވީ ވަކި ބަޔަކަށް ފުރުސަތު ނޫދޭތީ ނޫންކަމަށާއި އެއީ ކޮވިޑަށް ބަންދުވުމުން އެރި ހުއްޓުމުގެ ސަބަބުން ވީކަމެއްކަމަށެވެ. އަދި އެހެން ނޫންނަމަ ރާއްޖޭގެ ހައްޖު ކިއުގައި އޮންނާނީ 3000 ނުވަތަ 4000 އެއްހާ މީހުން ކަމަށާއި އެއީ ހަމަ ރަނގަޅު އަދަދެއްކަމަށްވެސް އޭނާ ވިދާޅުވިއެވެ.
މިނިސްޓަރު ވިދާޅުވީ ކިއު މިހާ ދިގުވީމާއި މިކަމުގައި ހައްލެއް ހޯދާދިނުމަށް އެދި ރައީސް މުއިއްޒު ސައުދީ ރަސްގެފާނަށް ހާއްސަ ސިޓީއެއް ފޮނުވާފައިވާކަމަށެވެ. އެ ސިޓީގައި މި ކިއުގައި އޮތް ދިގުކަން ފިލުވާލާ އެކަން ހައްލުކުރެވޭތޯ އެދިފައިވާނޭކަމަަށާއި އެކަމުގައި ވަރަށް ގާތު މަސައްކަތް ކުރަމުން އަންނަކަމަށް މިނިސްޓަރު ޝަހީމް ވިދާޅުވިއެވެ.
މިއަހަރު ރާއްޖެއިން ހައްޖު ކޯޕަރޭޝަންގެ ހަވާލުގައި 1150 މީހުން ހައްޖަށް ދާނެއެވެ. މީ ކޯޕަރޭޝަންގެ ހަވާލުގައި މިހާ ގިނަ މީހުން ހައްޖަށްދާ ފުރަތަމަ ފަހަރުކަމަށް އިސްލާމިކް މިނިސްޓަރު ޑރ ޝަހީމް ވިދާޅުވިއެވެ.
