Advertisement

މިއަދުގެ މަޖިލިސް ފައްޓަވަމުން ރައްޔިތުން މަޖިލީހުގެ ރައީސް އަބްދުއްރަހީމް އަބްދުﷲ ވިދާޅުވީ ސަރުކާރުން މަޖިލީހުގެ މި ދަައުރަށް ހުށައަޅަން 37 ބިލެއް ފޮނުވާފައިވާކަމަށެވެ. އެ ބިލްތަކުގެ ތަފްސީލުތައް މެމްބަރުންނަށް މިއަދު ފޮނުވާ އާއްމުކުރާނެކަށް އަބްދުއްރަހީމް ވިދާޅުވިއެވެ. 

ރައީސް އޮފީހުން މަޖިލިހަށް ފޮނުވި ބިލްތަކުގެ ތެރޭގައި ގާނޫނު އަސާސީއަށް އިސްލާހެއް ގެނައުންވެސް ވަނީ ހިމަނާފައެވެ. އެހެންނަމަވެސް އެއީ ކޮން އިސްލާހެއް ކަމެއް ސަރުކާރަކުން ނުބުނެއެވެ. މީގެއިތުރުން މައުލޫމާތު ހޯދައި ލިބިގަތުމުގެ ހައްގުގެ ގާނޫނަށް އިސްލާހު ހުށައަޅާފައިވާ ބިލަކާއި އެންޓި- ޑިފެކްޝަން ގާނޫނަށް އިސްލާހު ހުށައަޅާފައިވާ ބިލެއްވެސް ހިމެނެއެވެ. 

މަޖިލީހަށް ހުށަހަޅާފައިވާ ބައެއް ބިލްތައް:

• ސޮވެރިން ޑިވަލޮޕްމަންޓް ފަންޑުގެ ބިލު

• ސިއްހީ ހިދުމަތް ދިނުމުގެ ގާނޫނަށް އިސްލާހު ހުށަހެޅުމުގެ ބިލު

• ކޮޕީރައިޓާއި އެއާ ގުޅޭ އެހެނިހެން ހައްގުތަކުގެ ގާނޫނަށް އިސްލާހު ގެނައުމުގެ ބިލު

• ބޯހިޔާވަހިކަމުގެ ބިލު

• ރިއަލް އެސްޓޭޓް ވިޔަފާރީގެ ބިލު

• އާބަން ޕްލޭނިން އަދި އާބަން ޑިވެލޮޕްމަންޓުގެ ބިލު

• ބިމުގެ ބިލު

• ނަފްސާނީ ސިއްހަތުގެ ބިލު

• ދަތުރު ރާވާ ހިންގުމުގެ ހިދުމަތް ދިނުމުގެ ބިލު

• ބިނާވެށި ޕްލޭނިން އަދި އާބަން ތަރައްގީކުރުމާ ހިންގުމުގެ ބިލު

• ޖިނާއީ އިޖުރާއަތަކުގެ ގާނޫނަށް އިސްލާހު ގެނައުމުގެ ބިލު

• ގާނޫނުލް އުގޫބާތަށް އިސްލާހުގެނައުމުގެ ބިލު

• ފޮރިން އިންވެސްޓްމަންޓްގެ ބިލު

• ރާއްޖޭގެ މާލީ ސެކިއުރިޓީސްއާ ބެހޭ ގާނޫނަށް އިސްލާހު ގެނައުމުގެ ބިލު

• ޑިޕްލޮމެޓިކް އިމްތިޔާޒުގެ ބިލު

• ދައުލަތުގެ ފިސްކަލް ޒިންމާގެ ބިލު

• ދައުލަތުގެ ދަރަންޏާ ގުޅޭ ބިލު

• ގާނޫނީ ފަންނުގެ ގާނޫނަށް އިސްލާހު ގެނައުމުގެ ބިލު

• ވަޒީފާއާ ބެހޭ ގާނޫނަށް އިސްލާހު ގެނައުމުގެ ބިލު

• ޓުއަރިޒަމް ގާނޫނަށް އިސްލާހު ގެނައުމުގެ ބިލު

• މަސްތުވާތަކެއްޗާ ބެހޭ ގާނޫނަށް އިސްލާހު ގެނައުމުގެ ބިލު

• ބްރޯޑްކާސްޓް ކުރުމުގެ ގާނޫނަށް އިސްލާހު ގެނައުމުގެ ބިލު

• މައުލޫމާތު ހޯދައި ލިބިގަތުމުގެ ހައްގުގެ ގާނޫނަށް އިސްލާހު ގެނައުމުގެ ބިލު

• ހެއްކާ ބެހޭ ގާނޫނަށް އިސްލާހު ގެނައުމުގެ ބިލު

• އިންޑަސްޓިރިއަލް ރިލޭޝަންސްއާގުޅޭ ގާނޫނަށް އިސްލާހު ގެނައުމުގެ ބިލު

• މަސައްކަތުގެ މާހައުލުގެ ސަލާމަތާއި ސިއްހީ ރައްކާތެރިކަމުގެ ގާނޫނަށް އިސްލާހު ގެނައުމުގެ ބިލު

• މޯލްޑިވްސް އިންޓަނޭޝަނަލް ފައިނޭންޝަލް ސާވިސް އޮތޯރިޓީގެ ބިލު

• އެންޓި- ޑިފެކްޝަން ގާނޫނަށް އިސްލާހު ގެނައުމުގެ ބިލު

• ސުލްހަވެރިކަމާއެކު އެއްވެއުޅުމުގެ މިނިވަންކަމުގެ ގާނޫނަށް އިސްލާހު ގެނައުމުގެ ބިލުަ

• ޖިނާއީ މައްސަލަތަކުގައި ގާނޫނީ އެހީތެރިކަން ބަދަލުކުރުމުގެ ބިލު

• ކުޅިވަރު ގާނޫނަށް އިސްލާހު ގެނައުމުގެ ބިލު

• ޖަނަވާރުގެ ސިއްހަތާބެހޭ ބިލު

• އެޓާނީ ޖެނެރަލް އޮފީހުގެ ބިލު

• އިންޝުއަރެންސާބެހޭ ބިލު

• އެއްގަމު ދަތުރުފަތުރުގެ ގާނޫނަށް އިސްލާހު ގެނައުމުގެ ބިލު

• ތައުމީމުގެ ގާނޫނަށް އިސްލާހު ގެނައުމުގެ ބިލު
  
  
  
  ރައީސް ޑރ މުހައްމަދު މުއިއްޒުގެ ރިޔާސީ ވައުދުތައް ފުރިހަމަ ކުރުމަށް 200 ވުރެ ގިނަ ބިލް މަޖލީހަށް ހުށައަޅާނެކަމަށް މީގެ ކުރިން ސަރުކާރުން ވަނީ ބުނެފައެވެ.