އެޗްޑީސީން ބުނީ އެ ކޯޕަރޭޝަނުގެ އަމިއްލަ ބިމެއްގައި ކަމުގައިވާ ލޮޓް ނަންބަރު (30200 S5-15) އަކީ އެހެން ފަރާތަކަށް މިހާރު ކުއްޔަށް ދީފައިވާ ބިމަކަށް ވާތީ، އެ ބިމުގެ ތެރޭގައި ގަވާއިދާ ހިލާފަށް ބަހައްޓާފައިވާ އުޅަނދުތަކާ އަދި އެހެނިހެން ތަކެތި ނަގާ އެ ބިން ކުއްޔަށް ދީފައިވާ ފަރާތަށް ހަވާލު ކުރުމުގެ މަސައްކަތް ކުރަމުން އަންނަ ކަމަށެވެ.
އެހެންނަމަވެސް ވެރި ފަރާތް ނޭނގޭ އުޅަނދެއް އެ ލޮޓްގެ ކުރިމަތީގައި އޮތުމުގެ ސަބަބުން އެ ބިން ހުސްކުރުމުގެ މަސައްކަތަށް އުދަނގޫތަކެއް ކުރިމަތިވެފައިވާ ކަމަށް އެޗްޑީސީން ބުނެ އެވެ.
ތިލަފުށި ބިމެއްގައި ހުރި އުޅަނދަކާއި ތަކެތި ނަގަން އެޗްޑީސީން ވަނީ އަންގާފައި - ފޮޓޯ:އެޗްޑީސީ
އެޗްޑީސީން ވަނީ އެ ލޮޓް ކުރިމަތީގައިވާ އުޅަނދުގެ ވެރި ފަރާތެއްވާ ނަމަ، އެ ކޯޕަރޭޝަނުގެ ކޯލް ސެންޓަރުގެ ހޮޓްލައިން 1516 އަށް ގުޅާ މައުލޫމާތު ސާފުކުރުމަށް ފަހު، މިއަދުން ފެށިގެން 15 ދުވަހުގެ ތެރޭގައި އުޅަނދު ނަގަން އަންގާފަ އެވެ.
ތިލަފުށި ބިމެއްގައި ހުރި އުޅަނދަކާއި ތަކެތި ނަގަން އެޗްޑީސީން ވަނީ އަންގާފައި - ފޮޓޯ:އެޗްޑީސީ
މި 15 ދުވަހުގެ ތެރޭގައި އުޅަނދު ނުނަގައިފި ނަމަ، ތިލަފުށީގެ ތެރެއަށް ގަވާއިދާ ހިލާފަށް ދޫކޮށްލާފައިވާ އުޅަނދެއް ކަމަށް ބަލާ މި އުޅަނދާ މެދު އެ ކޯޕަރޭޝަނަށް ފެންނަ ގޮތަކަށް އަމަލުކުރާނެ ކަމަށް އެޗްޑީސީން ބުނެ އެވެ.
