ފަލަސްތީނަށް އެހީވުމަށް ދިވެހި ސަރުކާރުން ފެށި ޓެލްތޯން ފެށުމުގެ ރަސްމިއްޔާތުގައި ވާހަކަދައްކަވަމުން މިކަން އިއުލާންކުރެއްވީ ހާރިޖީ ވަޒީރު މޫސާ ޒަމީރުއެވެ.
ވަޒީރު ވިދާޅުވީ ފަލަސްޠީނަށް އެހީވުމަށް އދގެ ރިލީފް ފަންޑަށް ދިވެހި ސަރުކާރުން ކޮންމެ އަހަރަކު ދެމުން އަންނަ އަދަދު 50،000 ޑޮލަރަށް ބޮޑުކުރަން ރައީސް މުއިއްޒު ނިންމަވާފއިވާކަމަށެވެ. ޒަމީރު ވިދާޅުވީ ޔޫއެންގެ ރިލީފް އެންޑް ވޯކްސް އެޖެންސީ ފޯ ފަލަސްތީން ރެފިއުޖީސް "އަންރުވާ" މިހާތަނަށް ދިވެހި ސަރުކާރުން ކޮންމެ އަހަރަކު ދެމުން އައީ 5000 ޑޮލަރުކަމަށެވެ.
ވަޒީރު ވިދާޅުވީ މި ފައިސާ ހަވާލުކުރާނީ ފިނޭންސް މިނިސްޓްރީއާ އެމްއެމްއޭގެ މެދުވެރިކޮށް ހާރިޖީ ވުޒާރާހެ ބެލުމުގެ ދަށުންކަމަށެވެ. އަދި އެކަން ހިންގާ ގޮތް ބެލުމަށް "ކްރޯ މޯލްޑިވްސް އެލްއެލްބީ" ކިޔާ މިނިވަން އޮޑިޓަރެއް ހަމަޖައްސާފައިވާކަމަށްވެސް މޫސާ ޒަމީރު ވިދާޅުވިއެވެ.
