މިނިސްޓްރީން މިއަދު އާންމުކުރި ލިސްޓުގައި ހިމެނެނީ ޖުމްލަ 58 ކުންފުންޏެވެ. މީގެތެރޭގައި 2022 ވަނަ އަހަރުން ފެށިގެން އުމްރާއަށް މީހުން ގެންދިޔުމުގެ ހުއްދަ އޮތް ކުންފުނިތައް ހިމެނެ އެވެ.

މި ލިސްޓުގައި 2022 ވަނަ އަހަރުން ފެށިގެން އުމްރާއަށް މީހުން ގެންދިޔުމުގެ ހުއްދަ ދޫކޮށްފައިވާ ބައެއް ކުންފުނިތައްވެސް ހިމެނެ އެވެ.

އުމްރާ އަށް ގެންދިއުމުގެ ހުއްދަ ދީފައިވާ ކުންފުނިތަކުގެ ލިސްޓު މިނިސްޓްރީން އާންމުކުރި އިރު، ހުއްދަ ނެތި މީހުން އުމްރާ އަށް ގެންގޮސް ހާލުގައި ޖައްސާ މައްސަލަ މި ފަހުން ވަރަށް ބޮޑަަށް ފެންމަތިވެފައިވެ އެވެ.

އެހެންވެ ފައިސާ ދައްކާ ކުންފުންޏަކީ ހުއްދަ ދީފައިވާ ކުންފުންޏެއްތޯ ކަށަވަރު ކުރަން މިނިސްޓްރީން ތަކުރާރުކޮށް އިލްތިމާސްކޮށްފައިވެ އެވެ.