ވެމްކޯ މިއަދު ނެރުނު އިއުލާނެއްގައި ބުނެފައި ވަނީ، މި އަހަރުގެ ހައްޖު ދުވަހާއި އީދު ދުވަހު ހިދުމަތްތައް ދިނުމަށް ވަކި ތާވަލެއް އެކުލަވާލާފައިވާ ކަމަށެވެ. އެގޮތުން ހިދުމަތްތައް ދޭނެ ގަޑިތަކަކީ މާލެއާއި ހުޅުމާލެ، އަދި ވިލިމާލޭގައި ގައި މެންދުރު 2:00 އިން ރޭގަނޑު 12:00 އާ ހަމައަށެވެ.
މީގެ އިތުރުން، ތިލަފުށި ޑިސްޕޯސަލް ސައިޓުގެ ހިދުމަތް ވެސް ދޭނީ 14:00 އާއި 17:00 ދެމެދު ގައެވެ.
އައްޑޫގެ ގުޅިފައިވާ ރަށްތަކުގެ ހިދުމަތް ދޭނީ މެންދުރު 2:00 އިން ރޭގަނޑު 9:30 އާ ހަމައަށެވެ. އަދި ހުޅުދޫ – މީދޫގެ ހިދުމަތް ދޭނީ ހަވީރުގެ 4:00 އަށެވެ.
އަދި ފުވައްމުލަކުގައި ހިދުމަތް ދޭނީ މެންދުރު 2:00 އިން ހަވީރުގެ 4 ޖެހުމާ ހަމައަށެވެ.
މިވަގުތު މާލޭ ސަރަހައްދުގެ އިތުރުން ރާއްޖޭގެ އަށް ސަރަޙައްދެއްގައި ވެމްކޯގެ ޚިދުމަތް ވަނީ ގާއިމުކުރެވިފައެވެ. ވެމްކޯ އިން ކުނި އުކުމުގެ ޚިދުމަތް ދޭން ފެށީ 2018 ވަނަ އަހަރުގަ އެވެ.
