މުހުތާޒް މިހެން ވިދާޅުވީ، ކުރީގެ ސަރުކާރުގެ ޑިފެންސް މިނިސްޓަރު މާރިޔާ އަހުމަދު ދީދީ އެކްސްގައި ކުރި ޕޯސްޓަކަށް ރައްދު ދެއްވަމުންނެވެ.
މާރިޔާ އެކްގައި ކުރި ޕޯސްޓްގައި ވަނީ، ރައީސް ޑރ. މުހައްމަދު މުއިއްޒު ވެރިކަމާ ހަވާލުވެވަޑައިގެންނެވި ފަހުން ރައްޔިތުންގެ މަޖިލީހުގެ އިންތިހާބަށް ޖަލުން ދޫކޮށްލި ކުށްވެރިންގެ އަދަދު ބުނަން ގޮވާލާފަ އެވެ.
މިކަމާއި ގުޅިގެން މުހުތާޒު ވިދާޅުވީ، ގާނޫނީ ބާރު ނަހަމަގޮތުގައި ބޭނުންކުރުމަކީ ރައީސް މުއިއްޒުގެ ސިޔާސަތެއްނޫން ކަމަށެވެ.
ފުލުހުންގެ ތަރުޖަމާނު ފުލުހުން ތަރުޖަމާން އަދި އެސިސްޓެންޓް ކޮމިޝަނާ އޮފް ފޮލިސް އަހްމަދު ޝިފާން އިއްޔެ ވިދާޅުވެފައި ވަނީ، މީގެ 10 ވަރަކަށް މަސް ކުރިން ޖަލުތަކުގައި ތިބި 434 ކުށްވެރިން މިނިވަންކޮށްފައިވާ ކަމަށެވެ. އެކަމުގެ ސަބުބުން ކުށް ގިނަވެ، ކުށުގެ ވެށި އޮތީ ނުރައްކާ ދަރަޖައެއްގައި ކަމަށެވެ.
ޝިފާން އިތުރަށް ވިދާޅުވީ ފުލުހުންނަށް ޒަމާނީ ވަސީލަތްތަކެއް ލިބުން ދަތިވުމުން ފުލުހުން ތިބީ ވަރަށް ބޮޑު ކާރިސާއެއްގައި ކަމަށެވެ.
ފުލުހުން އާންމުކުރާ ތަފާސްހިސާބުތަކަށް ބަލާއިރު މިދިޔަ އޭޕްރީލް މަހުގެ ތެރޭގައި ވައްކަމުގެ 285 މައްސަލަ އައި މިދިޔަ މެއި މަހު ވައްކަމުގެ 244 މައްސަަލަ އެ އިދާރާއަށް ރިޕޯޓްކޮށްފައިވެ އެވެ.
