މެޓް އޮފީހުން ބުނީ ހޯމައިގެ ފަހުން މިހާރު މިކުރަމުންދާ ވިއްސާރަ އަލިވާނެ ކަމަށާއި، ނަމަވެސް ވައި މަޑުވާނީ ބުދަދުވަހުގެ ފަހުން ކަމަށެވެ.
މެޓް އޮފީހުން ވަނީ ހއ އަތޮޅުން ފެށިގެން ބ އަތޮޅަށް މިއަދު 18:00 ހަމައަށް ހުދު ސަމާލު ނެރެފަ އެވެ. މެޓް އޮފީހުން ބުނީ ހަވީރު 18:00 ހަމައަށް ގުގުރުމާއި އެކު ބޯކޮށް ވާރޭވެހޭނެކަމަށް ލަފާކުރެވޭ ކަމަށެވެ.
މެޓު އޮފީހުން ބުނީ، ދެކުނުގެ އަތޮޅުތަކަށް ގުގުރުމާ އެކު ވާރޭ ވެހޭނެ ކަމަށް ލަފާކުރެވޭ ކަމަށެވެ. އަދި، ހުޅަނގާއި ހުޅަނގު ދެކުނުން ގަޑިއަކު 15 މޭލުގެ ބާރު މިނަށް ވައިގަދަވާނެ ކަމަށް ވަނީ ލަފާކޮށްފައެވެ.
ދެކުނުގެ އަތޮޅުތަކަށް ވެސް އާދައިގެ ވަރަކަށް ކަނޑުތައް ގަދަވާނެ ކަމަށް ލަފާކުރާއިރު ރާޅުގެ އުސްމިން ހުންނާނެ ކަމަށް ލަފާކޮށްފައިވަނީ ދެ ފޫޓާއި ހަތަރު ފޫޓާ ދެމެދުގައެވެ.
ޢީދު ބަންދުގެ ގޮތުގައި ހަފުތާ ބަންދާ އެކު ނުވަ ދުވަސް ލިބުމުން ގިނަ ބަޔަކު ވަނީ ރަށްރަށަށާއި ރާއްޖެއިން ބޭރަށް ވެސް ދަތުރުކޮށްފަ އެވެ. ޢީދު ބަންދަށް ފަހު މާދަމާ އޮފީސްތައް ރަސްމީކޮށް ހުޅުވޭނެ އެވެ.
