ފުލުހުން ހޯދަމުން އަންނަނީ ހ. ބްލޫސްކޫޕް، އުމުރުން 18 އަހަރުގެ ހުސައިން ޒިހާންއެވެ. ފުލުހުން ބުނީ ގެއްލިގެން ހޯދަމުން އަންނަ މި ޒުވާނާ މިހާރު ދިރިއުޅޭ އެޑްރެހަކީ ހ. ބްލޫޑްރީމްކަމަށެވެ.
ހުސައިން ޒިހާން އެންމެ ފަހުން ފެނިފައިވަނީ ޖޫން 21 ވަނަ ދުވަހު އޭނާ ދިރިއުޅޭ ގެއިން ކަމަށް އާއިލާއިން ބުނެފައިވާކަމަށް ފުލުހުން ބުނެއެވެ.
މި ޒުވާނާއާ ގުޅޭ އެއްވެސް މައުލޫމާތެއް ލިބިފައިވާނަމަ ފުލުހުންގެ ހޮޓްލައިން 3322111 އަށް ނުވަތަ ހެންވޭރު ޕޮލިސް ސްޓޭޝަންގެ ނަންބަރު 9400053 އަށް ގުޅުމަށް ފުލުހުން އެދެއެވެ.
މިދިޔަ ހޮނިހިރު ދުވަހުވެސް 24 އަހަރުގެ ޒުވާބަކު ގެއްލިގެން ހޯދަން ފުލުހުން ވަނީ އިއުލާންކޮށްފައެވެ. ޏ. ފުވައްމުލަކު ސިޓީ / ދިގުވާޑް އެފްރޯ، އަހްމަދު އިޔާސް ވަސީމްގެ ހަބަރެއް އަދިވެސް ނުވާކަމަށް ފުލުހުން ބުނެއެވެ. ފުލުހުން ބުނި ގޮތުގައި އިޔާސްގެ ހަބަރެއް އާއިލާއަށް އެންމެ ފަހުން ވެފައިވަނީ މި މަހުގެ 14 ވަނަ ދުވަހުއެވެ.
ފަހަކަށް އައިސް ގެއްލިގެން ހޯދަން އިއުލާންކުރާ ފުލުހުންގެ އަދަދު އަންނަނީ އިތުރުވަމުންނެވެ.
