މިނިސްޓަރު ސައީދު މިއަދު ޗައިނާގެ ކޮމާސް މިނިސްޓަރާ ބައްދަލުކުރައްވާފައިވާއިރު އެ ބައްދަލުވުމުގައި ރައީސް ޑރ.މުހައްމަދު މުއިއްޒާއި ޗައިނާގެ ރައީސް ޝީ ޖިން ޕިންގެ ރަސްމީ ބައްދަލުވުމަށްވެސް އަލިއަޅުއްވާލާފައިވާކަމަށް އިކޮނޮމިކް މިނިސްޓްރީން މައުލޫމާތުދެ އެވެ.
މީގެއިތުރުން އެ ބައްދަލުވުމުގައި ދެގައުމުގެ މެދުގައި ވިޔަފާރިއާއި އިންވެސްޓްމަންޓްއަށް އެއްބާރުލުންދީ އިތުރަށް ފުޅާކުރުމުގެ އިހްތިޔާރުތަކާ ބެހޭގޮތުންވެސް މަޝްވަރާކުރެއްވިކަމަށް އިކޮނޮމިކް މިނިސްޓްރީން ބުނެ އެވެ.
މިނިސްޓަރު ސައީދު ޗައިނާއަށް ފުރާވަޑައިގަތީ އިއްޔެގެ ވަގުތެއްގަ އެވެ. އިކޮނަމިކް މިނިސްޓްރީން ބުނީ، ސައީދު ޗައިނާއަށް ފުރާ ވަޑައިގަތީ ޗައިނާގެ ޑާލިއަންގައި ބާއްވާ ވޯލްޑް އިކޮނޮމިކް ފޯރަމްގައި ބައިވެރިވެވަޑައިގަތުމަށްކަަމަށެވެ.
މިނިސްޓަރު ސައީދުގެ އިތުރުން އިސްލާމިކް މިނިސްޓަރު ޑރ. ޝަހީމް އާއި ހެލްތް މިނިސްޓަރު ޑރ.އަބްދުﷲ ހަލީލުވެސް ވަނީ ޗައިނާއަށް ވަޑައިގެންފަ އެވެ.
