ސިޓީ ކައުންސިލުން މި ޖިމް ހަދަން ނިންމާފައިވަނީ ދަރުބާރުގޭ އިރުން އޮތް ޕާކިން އޭރިޔާ ހުންނަ ބިމުގައެވެ. މާލޭ ސިޓީ މޭޔަރު އާދަމް އާޒިމް ވިދާޅުވީ ހެންވަރޕުގައި ކަސައްރަތަށް ނުކުންނަ މީހުން ކަސްރަތުކޮށްލަން އައުޓްޑޯ ޖިމެއް ނެތުމުން އެކަމުގެ ޝަކުވާތައް ކައުންސިލަށް ލިބެމުން އަންނަކަމަށެވެ.
އާޒިމް ވިދާޅުވީ މިތަނަށް ބޭނުންވާ ބައެއް ސަމާނު ދޭނެކަމުގެ ޔަގީންކަން ކުޅިވަރާއި ބެހޭ ވަޒީރު ދެއްވާފައިވާކަމަށެވެ. އަދި މީގެެއިތުރުން ކައުންސިލުންވެސް އެތަނަށް ބޭނުންވާ ބައެއް ސަމާނު ހޯދާނެކަމަމަށްް މޭޔަރު އާޒިމް ވިދާޅުވިއެވެ.
މައްޗަންގޮޅީގައި ހުންނަ އައުޓްޑީ ޖިމްގައި ހުރި ތަކެތި ބަދަލުކުރުމަށް ފަހު އަލުން ހުޅުވުމުގެ ތެރެއިން
މާލޭގައި ކަސްރަތަށްް ނުކުންނަ މީހުންނަށް މާފަންނާއި މައްޗަންގޮޅީގައިވެސް އައުޓްޑޯ ޖިމްތައް ވަނީ ހަދާފައެވެ. އަދި ދާދިފަހުން މި ޖިމްތަކުގައި ހުރި ތަކެތި ބަދަލުކޮށް އައު ތަކެތި ވަނީ ހަރުކޮށްފައެވެ.
