އުރީދޫ ފަން ރަން އަކީ ކޮންމެ އަހަރަކު އުރީދޫން ބާއްވަމުންދާ ހަރަކާތްތަކުގެ ތެރެއިން އާއްމުންގެ މެދުގައި އެންމެ މަގުބޫލު އެއް ހަރަކާތެވެ. މިދިޔަ އަހަރު ހުޅުމާލޭގައި ކުރިއަށް ގެންދިޔަ މަޖާ މި ހަރަކާތްތަކުގައި 5،000 އަށްވުރެ ގިނަ މީހުން ވަނީ ބައިވެރިވެފަ އެވެ.
ފަން ރަން ލ. ގަމުގައި ބޭއްވުމަށް ހަމަޖެހިފައިވަނީ ޖުލައި 5 ވަނަ ދުވަހު އެވެ. މިއީ މި އަހަރު ލާމު އަތޮޅުގައި ބާއްވާ އެންމެ ބޮޑު އަދި އެންމެ މަޖާ ހަރަކާތަށް ވާނެ ކަމަށް އުރީދޫން ބުންޏެވެ.
ހަ އަހަރުން މަތީގެ ހުރިހާ ފަރާތްތަކަށް މި ދުވުމުގައި ބައިވެރިވުމުގެ ފުރުސަތު ހުޅުވާލައިފައިވާއިރު ތަފާތު ހަރަކާތްތަކެއް ހިމެނޭ ފަސް ކިލޯމީޓަރުގެ މި ކުރު ދުވުމަކީ އަލަށް ދުވާ ފަރާތްތަކާއި އާއްމުކޮށް ދުވާ ފަރާތްތަކަށް ވެސް ބައިވެރިވުމަށް މަޖާވާނެ ދުވުމެއް ކަމަށް އުރީދޫން ބުންޏެވެ.
މި ޕްރޮމޯޝަނުގެ ދަށުން ދަށުން ލާމު އަތޮޅުގައި ބާއްވާ "އުރީދޫ ފަން ރަން"ގައި ރަޖިސްޓްރީވެފައިވާ ބައިވެރިންނަށް މާލެ އިން ކައްދުއަށް ދެކޮޅު ޓިކެޓު 2488 ރުފިޔާއަށް ލިބިގެންދާނެވެ.
މޯލްޑިވިއަނުން މާލެއިން ކައްދުއަށް އަދި ކައްދުއިން މާލެއަށް ދަތުރުކުރަމުން އަންނަނީ ކޮޅަކަށް 1454 ރުފިޔާއަށެވެ. މި ޕްރޮމޯޝަނާއިއެކު ބައިވެރީންނަށް ކޮޅަކަށް 250 ރުފިޔާ އަގުހެޔޮ ވެގެންދާނެއެވެ.
އުރީދޫގެ މެނޭޖިން ޑިރެކްޓަރު އަދި ސީއީއޯ ޚާލިދު އަލް ހަމާދީ ވިދާޅުވީ، ލ.ގައި މި ހަކަރާތް ކުރިޔަށް ގެންދިޔުމުންނާއި މޯލްޑިވިއަންގެ އާ އޮފާތަކުގެ ސަބަބުން މި ތރަންގައި ވައިވެރިވުމަށް ފަސޭހަވެގެންދާނެ ކަމަށެވެ.
މި ރަންއާއި ގުޅުވައިގެން މޯލްޑިވިއަންގެ މެނޭޖިން ޑިރެކްޓަރު އިބުރާހިމް އިޔާސް ވިދާޅުވީ ޓްރެވަލް ޕާޓްނަރެއްގެ ހައިސިއްޔަތުން އެ ކުންފުނީގެ މަގުސަދަކީ ގިނަ ފަރާތްތަކަކަށް ރާއްޖޭގައި ބޭއްވޭ މި އުފާވެރި ދުވުމުގައި ބައިވެރިވުމުގެ ފުރުސަތު ފަހިކޮށްދިނުން ކަމުގައެވެ.
މި އޮފަރ ބޭނުންކުރުމަށް އުރީދޫ ފަން ރަން ގައި ރެޖިސްޓަރ ވެފައިވާ ފަރާތްތަކުން އޯޑަރ އައިޑީ އާއެކު އީމެއިލް ސަބްޖެކްޓްއެއްގެ ގޮތުގައި " އުރީދޫ ފަން ރަން ލާމު" ޖެހުމަށްފަހު [email protected] އީމެއިލް ކުރައްވާށެވެ. އިތުރު މައުލޫމާތު ހޯދުމަށް http://ore.do/funrun2024 އަށް ޒިޔާރަތްކޮށްލައްވާށެވެ.
