ޕީއެންސީގެ މަޖިލިސް މެމްބަރުނަނަށް މުލިޔާގެއިން ފައިސާ ދީފައިވާކަމަށް ބުނާ ވާހަކަ ދޮގު ކުރީ ރައީސް އޮފީހުގެ ސްޕޯކްސްޕާސަން ހީނާ ވަލީދެވެ.
ހީނާ ވިދާޅުވީ ޕީއެންސީގެ މަޖިލިސް މެމްބަރުންނަށް މުލިއާގެއިން މަހަކު 50،000 ރުފިޔާ ދޭކަަމަށް އެމްޑީޕީގެ ޗެއާޕާސަން ފައްޔާޒް އިސްމާއީލް ދެއްކެވި ވާހަކައަކީ ކަނޑައެޅިގެން ބުހުތާނު ދޮގު ވާހަކައެއްކަމަށެވެ.
ޓީވީ ޕްރޮގްރާމެއްގައި މިފަހުން ވާހަކަދައްކަވަމުން އެމްޑީޕީގެ ޗެއާޕާސަން ފައްޔާޒް އިސްމާއީލް ވިދާޅުވީ، މަޖިލީހަކީ ރައީސް ޑރ. މުހައްމަދު މުއިއްޒު ބޭނުންފުޅުވާ ގޮތަކަށް ހިންގަންޖެހޭ ތަނެއްކަމަށް މި ސަރުކާރަށް ހީވެގެން އުޅޭ މަންޒަރު ފެންނަ ކަމަށެވެ.
އަދި، އެ މެންބަރުންނަށް މުލީއާގެއިން 50،000 ރުފިޔާ ދޭ ކަމަށް އޭނާ ތުހުމަތުކުރެއްވި އެވެ ފައްޔާޒުގެ އިތުރުން އިދިކޮޅު މަޖިލީސް މެންބަރުން ވެސް ވަނީ އެ ތުހުމަތުތައް ކުރައްވާފަ އެވެ.
