މި ބޫޓްކޭމްޕްއަކީ "ލީން ސްޓާރޓްއަޕް މޯލްޑިވްސް" އައްޑޫ އެޑިޝަން ލޯންޗުކުރުމަށް 19 ޖުލައި އިން 21 ޖުލައި އަށް ސ.ގަން އީކުއޭޓަރ ވިލެޖުގައި ބޭއްވުމަށް ހަމަޖެހިފައިވާ ކޭމްޕްއެއްކަމަށް ދިރާގުން ބުނެ އެވެ.
ދިރާގުން ބުނީ، "ލީން ސްޓާޓްއަޕް" އަކީ އައްޑޫ އެޑިޝަންގެ ކަސްޓަމަރ ޑިވެލޮޕްމަންޓާއި ލީން، އަދި އެޖައިލް ޑިވެލޮޕްމަންޓްގެ އެންމެ ފަހުގެ ކަންކަން ދަސްކޮށްދިނުމަށް ހާއްސަކޮށްގެން އައްޑޫ ސިޓީގައި ބާއްވާ ފުރަތަމަ ސްޓާޓްއަޕް ބޫޓްކޭމްޕް ކަމަށެވެ.
މި ކޭމްޕްގެ އަމާޒަކީ ހުނަރުވެރި ޒުވާން ވިޔަފާރިވެރިންނާއި ޑިވެލޮޕަރުންނަށް ކާމިޔާބީއަށް ބޭނުންވާ ހުނަރާއި އިލްމާއި ވިސްނުން ފޯރުކޮށްދިނުން ކަމަށާއި، މި ކޭމްޕްގައި ސަރަހައްދީ ފޯކަސްއަކާއެކު ސްޓާޓްއަޕްތައް ތަރައްގީކޮށް، އިސްނެގުމެއް ދެން އޮތް ލެވެލްއަށް ގެންދިއުމަށް އަމާޒުކޮށްގެން ބާއްވާ ކޭމްޕެއް ކަމަށް ގިރާގުން ބުނެ އެވެ.
ދިރާގުން ބުނީ، މި ބޫޓްކޭމްޕްގެ މަގުސަދަކީ ޒުވާނުންގެ މެދުގައި ވިޔަފާރިވެރިކަމުގެ ހުނަރުތައް ބިނާކުރުމާއި، ހިޔާލު ސައްހަކުރުމަށް އަމާޒްކޮށްގެން، ލީން ވިޔަފާރިތައް އުފެއްދުމަށް ލީން މެތޮޑޮލޮޖީ ބޭނުންކުރުމަށް ބައިވެރިން ތަމްރީނުކުރުމަށް ބާއްވާ ކޭމްޕެކެވެ.
