ފެމިލީ ކޯޓުން އާންމުކުރި މިދިޔަ މަހުގެ ތަފާސް ހިސާބުތައް ދައްކާ ގޮތުން މި އަހަރުގެ އޭޕްރިލް މަހާ އަޅާބަލާއިރު މޭ މަހު, ކައިވެނި އަދި ވަރީގެ އަދަދު ވެސް ވަނީ އިތުރުވެފަ އެވެ. 

އެގޮތުން އެޕްރިލް މަހު ފެމިލީ ކޯޓުގައި 60 ވަރި ރަޖިސްޓްރީކުރި އިރު، 144 ކައިވެންޏެއް ވަނީ ރަޖިސްޓްރީ ކޮށްފަ އެވެ. މިދިޔަ މަހު 124 ވަރި ރަޖިސްޓްރީކޮށްފައި ވާއިރު، އެ 238 ކައިވެންޏެއް ވަނީ އަގުދުކޮށްދީފަ އެވެ. 

ދެން އެންމެ ގިނައީ އާއިލީ އެހެނިހެން މައްސަލަތަކާއި ހަރަދުގެ މައްސަލަތަކެވެ. އެގޮތުން ކުޑަކުދިންނާ ގުޅުންހުރި 12 މައްސަލައަކާއި ހަރަދުގެ 14 މައްސަލައަކާއި ގެވެށި އަނިޔާއާ ގުޅޭ 9 މައްސަލައަކާއި އާއިލީ އެހެނިހެން 20 މައްސަލަ އެކެވެ.

ފެމިލީ ކޯޓަކީ ހަމައެކަނި މާލެ ސަރަހައްދުގައި ކައިވެނިކޮށް ދިނުމާއި އާއިލީ މައްސަލަތައް ބަލާ ކޯޓެވެ. ރަށްރަށުގައި ވަރި ކައިވެނީގެ މައްސަލަތައް ބަލާނީ އެރަށެއްގެ ކޯޓުންނެވެ.