މި ފަހަރު ސްޓޫޑަންޓް ލޯނަށް ހުޅުވާލި 500 ފުރުސަތައް 1709 ދަރިވަރަކު ފޯމު ހުށައެޅިއެވެ. އޭގެތެރެއިން ޝަރުތު ހަމަވި 1153 ދަރިވަރުންކަމަށް ހަޔާ އެޑިއުކޭޝަން މިނިސްޓްރީން ބުނެއެވެ ލޯނަށް ޝަރުތު ހަމަވާ ހުރިހާ ދަރިވަރުންނަށް ސަރުކާރުން ވަނީ ލޯން ދޭން ނިންމާފަ އެވެ.
ލޯނަށް ހުޅުވާލުމުން ލިސްޓަށް ޝަކުވާ ހުށައެޅުމަށްް ހުޅުވާލި ފުރުސަތު މިދިޔަ މަހުގެ 25ގައި ހަމަވިއިރު 200 ވުރެ ގިނަ ޝަކުވާ ހުށައަޅާފައިވާކަމަށް ހަޔާ އެޑިއުކޭޝަން މިނިސްޓްރީން ބުނެއެވެ. އެ މިނިސްޓްރީން ބުނީ ޝަކުވާތައް ބެލުމަށް އެކުލަވާލާފައިވާ ހާއްސަ ކޮމެޓީއަކުން މިހާރު އެ މަސައްކަތް ކުރަމުން އަންނަކަމަށެވެ. އަދި ޝަކުވާތައް ބެލުމަށްފަހު މިނިސްޓްރީގެ އިހްމާލަކުން ގޯހެއް ހެދިފައިވާނަމަ އެކަން ރަނގަޅުކުރާނެކަމަށެވެ.
ފައިލެޓްކަން ކިޔަވާ ދަރިވަރުންގެ އަދަދާއި އެއްވަރަށްް ބާޒާރުގައި ވަޒީފާ ނެތުމުން މި ފަހަރު ސްޓޫޑަންޓް ލޯނު ދިނީ 10 ދަރިވަރުންނަށް ކަމަށް ހަޔާ އެޑިއުކޭޝަން މިނިސްޓްރީން ބުނެފި އެވެ.
ހަޔާ އެޑިއުކޭޝަން މިނިސްޓްރީން ބުނީ ފާއިތުވެދިޔަ އަހަރު، 500 އަށްވުރެ ގިނަ ދަރިވަރުންނަށް ރާއްޖެއިން ބޭރުން ޕައިލެޓް ލައިސެންސަށް ކިޔެވުމަށް ލޯނު ދީފައިވާކަމަށެވެ. އެހެންކަމުން އެހާ ގިނަ ފުރުސަތު، އެއް ދާއިރާއަކުން ކިޔެވުމަށް ދީފައިވުމުގެ ސަބަބުން ދަރިވަރުންނާއި، ބެލެނިވެރިންނާއި، ކަމާ ބެހޭ އެކިއެކި އިދާރާތަކުން ގިނަގުނަ ޝަކުވާތަކާއި ކަންބޮޑުވުންތައް މި މިނިސްޓްރީއާ ހިއްސާކޮށްފައިވާކަމަށްވެސް އެ މިނިސްޓްރީން ބުނެ އެވެ.
