އެކްސްގައި ހިއްސާކުރެއްވި ޕޯސްޓެއްގައި ރައީސް ވަނީ އިނގިރޭސިވިލާތުގެ ބޮޑުވަޒީރަކު އިންތިޚާބުކުރުމަށް ބޭއްވި ޢާންމު އިންތިހާބު، ދަ ލޭބާ ޕާޓީގެ ފަރާތުން ވާދަކުރެއްވި ކެންޑިޑޭޓު ކެއިރު ސްޓާމާ ކާމިޔާބުކުރެއްވުމާ ގުޅިގެން ޕާޓީއަށާއި ސްޓާމަރއަށް ތަހުނިޔާ ވިދާޅުވާ ކަމަށެވެ.
އަދި ސްޓާމާގެ ލީޑާޝިޕުގައި އިނގިރޭސިވިލާތް އިތުރަށް ތަރައްގީވެ ކުރިއަރައިގެން ދިއުމަށް އެދިވަޑައިގަންނަވާކަމުގައި ވިދާޅުވި އެވެ. އަދި އާ ބޮޑުވަޒީރުގެ ޒައާމަތުގައި ދެ ގައުމުގެ ގުޅުން އިތުރަށް ބަދަހިކޮށް، ދުނިޔެއަށް ދިމާވާ ގޮންޖެހުންތަކުން އަރައިގަތުމަށް އެކުގައި މަސައްކަތްކުރުމަށް އުއްމީދުކުރައްވާކަމަށް ރައީސްގެ މެސެޖުގައި ވިދާޅުވި އެވެ.
9 ކެންޑިޑޭޓުން ވާދަކުރި އިނގިރޭސިވިލާތުގެ އާންމު އިންތިހާބުގެ ވަގުތީ ނަތީޖާ ދައްކާ ގޮތުން މިހާރު ވެރިކަން ކުރާ ކޮންޒަވޭޓިވް ޕާޓީއަށް ލިބުނީ އެންމެ 136 ގޮނޑި އެވެ. ލޭބާ ޕާޓީ އިން މިހާތަނަށް 408 ގޮނޑި ކާމިޔާބުކޮށްފައިވެ އެވެ.މި އިންތިހާބުގައި މެޖޯރިޓީ ހޯދަން ބޭނުންވާނީ 326 ގޮނޑިއެވެ. މިއީ ކޮންޒަވޭޓިވް ޕާޓީއަށް ލިބުނު އެންމެ ބޮޑު ނާކާމިޔާބީ އެވެ.
