ލަނޑެއް ނުޖެހި އެއްވަރުވި މެޗަކަށް ފަހު ޕެނަލްޓީގައި ނާކާމިޔާބުވެ، ޕޯޗުގަލް ރަށަށް ދާން ޖެހުނުއިރު، ފްރާންސްއިންވަނީ ސެމީ ފައިނަލްގެ ޖާގަ ކަށަވަރުކޮށްފައެވެ.
ޕެނަލްޓީގައި ފްރާންސް އަތުން ޕޯޗުގަލް ބަލިވީ ފަސް ލަނޑު ތިން ލަނޑުންނެވެ. ޕެނަލްޓީގައި ފުރަތަމަ ފްރާންސްގެ ޑެމްބެލޭ ޖެހި ބޯޅަ ކާމިޔާބު ކުރިއެވެ. ޕޯޗުގަލްގެ ފުރަތަމަ ޕެނަލްޓީ ރޮނާލްޑޯވެސް ވަނީ ކާމިޔާބުކޮށްފަ އެވެ.
ފްރާންސްގެ ދެ ވަނަ ޕެނަލްޓީ ޔޫސުފް ފޮފާނާ ވެސް ކާމިޔާބުކުރިއިރު، ޕޯޗުގަލްގެ ދެ ވަނަ ޕެނަލްޓީ ބެނާޑޯ ސިލްވާވެސް ވަނީ ކާމިޔާބުކޮށްފައެވެ.
ފްރާންސްގެ ތިން ވަނަ ޕެނަލްޓީ ޖެހި، ޖޫލްސް ކޫންޑޭ ވެސް ކާމިޔާބު ކުރިއެވެ. ޖޮއާއޯ ފެލިކްސް ޖެހި ޕޯޗުގަލްގެ ތިން ވަނަ ޕެނަލްޓީ އަމާޒުވީ ދަނޑިއަށެވެ.
ފްރާންސަށް ހަތަރުވަނަ ޕެނަލްޓީ ބްރެޑްލީ ބަކޯލާ ކާމިޔާބުކުރި އެވެ. ޕޯޗުގަލްގެ ހަތަރު ވަނަ ޕެނަލްޓީވެސް މެންޑޭޒް ކާމިޔާބު ކުރިއެވެ. ފްރާންސް މޮޅުވި އެ ޓީމުގެ ފަސް ވަނަ ޕެނަލްޓީ ޖެހީ ތެއޯ ހެނާންޑޭޒްއެވެ.
މި ނަތީޖާއާއެކު ޕޯޗުގަލް އެނބުރި ރަށަށް ދާނީ ރޮނާލްޑޯއަށް މުޅި މުބާރާތުގައިވެސް ލަނޑެއްވެސް ނުޖެހިއެވެ. މުބާރާތުގައި ރޮނާލްޑޯއަށް ލަނޑެއް ނުޖެހުނަސް ޕެނަލްޓީ ޝޫޓްއައުޓްގައި ދެ ޕެނަލްޓީ ރޮނާލްޑޯ ކާމިޔާބު ކުރިއެވެ.
