އޭނާ އެ މަގާމަށް އައްޔަންކުރީ މިދިޔަ ހޮނިހިރު ދުވަހުއެވެ. ނިހާދު އެ މަގާމަށް އައްޔަންކުރުމުން ޓްއަރިޒަމް މިނިސްޓްރީގެ ސްޓޭޓް މިނިސްޓަރުންގެ އަދަދު ހަތަރަކަށް އެރީއެވެ.
ސްޓޭޓް މިނިސްޓަރަކަށް މުސާރައާއި އިނާޔަތްތަކުގެ ގޮތުގައި މަހަކު 43,500 ރުފިޔާ ލިބެއެވެ.
ނިހާދު ޓްއަރިޒަމް މިނިސްޓްރީގެ ސްޓޭޓް މިނިސްޓަރުކަމަށް އައްޔަންކުރައްވާފައި މިވަނީ ދައުލަތުގެ މާލީ ހާލަތު ގޯސްކަމަށް ސަރުކާރުން ބުނެ ފިޔަވަޅުތަކެއް އަޅާނެކަމަށް ރައީސް ޑރ. މުހައްމަދު މުއިއްޒު ވިދާޅުވުމަށްފަހުއެވެ. އޭގެ ތެރޭގައި ސިޔާސީ މަގާމުތަކަށް މީހުން ނުނެގުން ހިމެނެެއެވެ.
ނިހާދު އަކީ މިދިޔަ ރިޔާސީ އިންތިހާބުގައި އެމްޑީޕީ ބަލިވެ އެޕާޓީގެ ވެރިކަން ނިމުމުން އެމްޑީޕީ ދޫކޮށް ވެރިކަމަށްް އައި ޕީއެންސީއަށް ގުޅުނު 13 މެމްބަރުންގެ ތެރޭގައި ހިމެނުނު މެމްބަރެކެވެ. އަދި އޭގެ ފަހުން ޕީއެންސީ ޕޯޑިއަމްތަކުގައި އެމްޑީޕީއަށް ވަރަށް ބޮޑަށް ފާޑުކިޔަމުން ގެންގޮސްފައިވެެއެވެ.
