މި ރަސްމިއްޔާތު ފައްޓަވައިދެއްވީ މިނިސްޓަރ އޮފް ކްލައިމެޓް ޗޭންޖް، އެންވަޔަރަންމަންޓް އެންޑް އެނަރޖީ ތޯރިގް އިބްރާހީމް އެވެ.
ދިރާގުން ބުނީ، މި ހަރަކާތަކީ ދުނިޔޭގެ ތިމާވެށީގެ ދުވަސް ފާހަގަކުރުމުގެ ގޮތުން ސަރުކާރުން ފަށާފައިވާ ގައުމީ "ފަސް މިލިއަން ގަސް" އިންދުމުގެ ޕްރޮގްރާމަށް އެއްބާރުލުން ދިނުމުގެ ގޮތުން ކުރިއަށްގެންދިޔަ ހަރަކާތެއް ކަމަށެވެ.
މިއީ ދުނިޔޭގެ ތިމާވެށީގެ ދުވަސް ފާހަގަކުރުމުގެ ގޮތުން ސަރުކާރުން ފަށާފައިވާ "5 މިލިއަން ގަސް" ޕްރޮގްރާމަށް އެއްބާރުލުން ދިނުމުގެ ގޮތުން ކުރިއަށް ގެންދިޔަ ހަރަކާތެކެވެ.
"ގޯގްރީން 2024" ހަރަކާތުގެ ދަށުން ހުޅުމާލޭ ދެވަނަ ފިޔަވަހީގައި ޖުމްލަ 1،000 ގަސް އިންދާފައިވެ އެވެ. އޭގެ ތެރޭގައި މަގޫ، ކުރެދި، ދިގުގާ، ހިރުންދު އަދި ރުއް ހިމެނޭ ކަމަށާއި، ދިރާގުން ވަނީ، މި ހަރަކާތަށް ޖުމްލަ 255 ގަސް ހަދިޔާކޮށްފައި ކަމަށް ދިރާގުން ބުނެއެވެ
މި ރަސްމިއްޔާތުގައި މިނިސްޓަރ ތޯރިގުގެ އިތުރުން، ދިރާގު، ކްލީން މޯލްޑިވްސް، ހައުސިންގ ޑިވެލޮޕްމެންޓް ކޯޕަރޭޝަން، ހާޑް ރޮކް ހޮޓެލް މޯލްޑިވްސް، އައިކެއަރ މޯލްޑިވްސްގެ އޮފިޝަލުންނާއި ވޮލަންޓިއަރުން އަދި އެހެނިހެން ފަރާތްތަކުންވެސް ވަނީ ގަސް އިންދުމުގެ ހަރަކާތުގައި އަމަލީގޮތުން ބައިވެރިވެފަ އެވެ.
ތިމާވެށީ ހިމާޔާތްކޮށް ދެމެހެއްޓެނިވި ކުރުމަކީ ދިރާގުގެ ކޯޕަރޭޓް ސޯޝަލް ރެސްޕޮންސިބިލިޓީ (ސީއެސްއާރު) ޕްރޮގްރާމްގެ މައިގަނޑު އެއް އަސާސެވެ.
އެގޮތުން، މި ހަރަކާތުގެ ސަބަބުން ދުޅަހެޔޮ ދުނިޔެއެއް ގާއިމްކޮށް ދެމެހެއްޓުމަށް އެހީތެރިކަން ފޯރުކޮށްދީ، މޫސުމަށް އަންނަ ބަދަލުތައް ކުޑަކޮށް، އިޖްތިމާއީ ރޫހު ކުރިއެރުވުމަށް މަގުފަހިވެގެންދާނެ ކަމަށް ދިރާގުން ބުނެ އެވެ.
