އުމަރު ޒާހިރު އޮފީސް ބިލްޑިންގ ގައި ބޭއްވި ރަސްމިއްޔާތެއްގައި މި ޕްލެޓްފޯމް އިފްތިތާހްކޮށް ދެއްވީ ނައިބު ރައީސް އަލްއުސްތާދު ހުސައިން މުއްމަދު ލަތީފް އެވެ.
އެންޓި-ކޮރަޕްޝަން ކޮމިޝަނުން ބުނީ، "ހިންމި" ޕްލެޓްފޯމް މެދުވެރިކޮށް އިދާރާތަކުން ފުރިހަމަކުރާ ކަންކަމު ގައި ހިމެނޭ މައުލޫމާތުގެ ސިއްރުކަން ހިފަހައްޓައިދެވޭގޮތަށް ވަކި ލޮގްއިންއަކުން އިދާރާތައް ރަޖިސްޓްރީކުރެވިގެންދާނެ ކަމަށާއި، އެސެސްމެންޓް ފުރިހަމަކުރުމުން، ހުށަހެޅިފައިވާ މައުލޫމާތުގެ ސައްހަކަން ކަށަވަރުކުރެވިގެނދާނެ ކަމަށެވެ.
މި ޕްލެޓްފޯމް މެދުވެރިކޮށް ކޮރަޕްޝަންގެ ހިރާސް ދެނެގަތުމަށް ހަދާ އެސެސްމެންޓްއަށް ބޭނުންވާ ފަންނީ އެހީތެރިކަން ކޮމިޝަނުން ފޯރުކޮށްދިނުމަށްވަނީ ހަމަޖެހިފައިވާ ކަމަށާއި، ދައުލަތުގެ އިދާރާތަކުން އެ ބަޔަކު ތިބި ތަނެއްގައި ތިބެގެން އަމިއްލައަށް އެބައެއްގެ ހިންގުމުގެ ނިޒާމުގައި ހުރި ކޮރަޕްޝަންގެ ހިރާސް ދެނެގަނ،ެ ރަނގަޅު ކުރަންވީ ކަންކަން ބެލޭނެ ކަމަށް އެ ކޮމިޝަނުންބުނެ އެވެ.
މި ޑިޖިޓަލް ޕްލްޓްފޯމް ތައާރަފްކުރުމުން، ސަރުކާރު އިދާރާތަކުގެ ހިންގުމުގެ ނިޒާމުގައި ހުންނަ ކޮރަޕްޝަންގެ ހިރާސް ދެނެގަތުމަށް ޚާއްސަކުރެވޭ ކޮރަޕްޝަން ރިސްކް އެސެސްމެންޓް ޓޫލްތައް "ހިންމި ޕްލެޓްފޯމް"އާ ގުޅާލާ، ކުންފުނިތަކުގެ ކޯޕަރޭޓް ގަވަނެންސް އަދި އިންޓެގްރިޓީ ހަރުދަނާ ކުރުމަށް މަސައްކަތް ފަށާނެއެވެ.
