މާމިގިލި ކައުންސިލްއިން ބުނީ އެ ފަޅު ޕިކްނިކް އައިލެންޑްއެއްގެ އިތުރުން ރައްޔިތުންނަށް ޓުރިޒަމްގެ ބޭނުން ހިފޭގޮތަށް ތައްރައްގިކުރަން ނިންމާފައިވާކަމަށެވެ.
އެގޮތުން ކައުންސިލުން ހުށަހަޅާފައިވާ ޗާޓުގައިވާ ފަދައިން 150 ފޫޓާއި 250 ފޫޓްގެ ރަށެއް ހިއްކުމާއި ރޮކްބޯޑާ ޖެހުމަށް ބޭނުންވާ އީއައިއޭ ހަދައިދޭނެފަރާތެއް ހޯދަންބޭނުންވާކަމަށް ކައުންސިލް އިން ގެޒެޓްކޮށް ނެރުނު އިއުލާނުގައި ހާމަކޮށްފައިވެ އެވެ. އަދި އެ އިއުލާނާއިއެކު އެ ސަރަޙައްދު ހިމެނޭ ޗާޓާއި، މައުލޫމާތު ޝީޓް އެޓޭޗް ކުރެވިފައިވާނެ ކަމަށް މާމިގިލި ކައުންސިލް އިދާރާއިން ހާމަކުރެ އެވެ.
މީގެ އިތުރުން ރަށް ހިއްކުމާއި ރޮކްބޯޑަރ ޖެހުމަށް ބޭނުންވާ އީއައިއޭގެ މަސައްކަަތަތް ކުރުމަށް ޝައުގުވެރިވާ ފަރާތްތަކުން މިމަހުގެ 25 ވާ ދުވަހުގެ މެންދުރު 13:00 އަށް މާމިގިލި ކައުންސިލް އިދާރާއަށް ހާޒިރުވެ ހުށަހެޅުމަށް އެ ކައުންސިލުން އިލްތިމާސްކުރެ އެވެ.
މީގެ އިތުރުން ބިޑަށް ރަޖިސްޓްރީވުމަށް ކުންފުނީގެ ރަޖިސްޓާ ނަންނަބަރު، އެޑްރެސް، އީމެއިލް، އަދި ކޮންޓެކްޓް ނަންބަރު ހިމެނުނަށްފަހު [email protected] އަށް އީމެއިލް ކުރުމަށް ކައުންސިލުން އިލްތިމާސްކުރެއެވެ.
އެ މަސައްކަތް ކުރަން ޝައުގުވެރިވާ ފަރާތްތަކުން 25 ޖުލައި، 2024 ވާ ބުރާސްފަތި ދުވަހުގެ 13:00 އަށް މާމިގިލި ކައުންސިލަށް ގޮސް އަންދާސީ ހިސާބު ހުށަހަޅަން އެ އިއުލާނުގައި އެދިފައިވެ އެވެ. އަންދާސީ ހިސާބު ހުށައެޅުމުގެ ފުރުސަތު އޮންނާނީ އިކޮނޮމިކް މިނިސްޓްރީގައި ވިޔަފާރި ރަޖިސްޓަރީކޮށްފައިވާ ފަރާތްތަކަށް އެކަނި ކަމަށް ވެސް އެ އިއުލާނުގައި ބުންޏެވެ.
