ކުންފުނިން އަލަށް ދުބާއީއަށް ބޯޓެއް އެކްސްޕޯޓް ކޮށްފައިވާކަން ފަހުރެވެރިކަމާއިއެކު ފާހަގަކޮށް މެރިން މާސްޓާ އިން ބުނީ އެއީ 49 ފޫޓު ދިގުމިނުގެ "މެރިން މާސްޓާ 49 ސްޕީޑް ބޯޓު" ކަމަށެވެ. އަދި ކ. ހިންމަފުށީގައި ހުންނަ މެރިން މާސްޓާ ބޯޓްޔާޑުން ސްޕީޑްބޯޓުގެ އާ ޑިޒައިންތައް އުފެއްދުމުގެ މަސައްކަތް މިހާރު ފަށާފައިވާކަމަށް އެ ކުންފުނިން ބުނެ އެވެ.
49 ފޫޓު ދިގުމިނުގެ ބޯޓަކީ ރާއްޖެއިން ބޭރަށް އެކްސްޕޯޓްކުރި މެރިން މާސްޓާގެ ފުރަތަމަ އުޅަނދުކަމަށާއި މި އުޅަނދަކީ 60 ފަސިންޖަރުން އަދި 2 ފަޅުވެރިން އުފުލޭ އުޅަނދެއްކަމަށް އެކުންފުނިން ފާހަގަކުރެ އެވެ. އެގޮތުން އެއީ ފަހަތު ސްލައިޑިން ދޮރެއް ހުންނަ ކްލޯޒްޑް ކެބިން ވާޝަނެއް ކަމަށާއ،ި ޖަނަރޭޓާ، އެއާކޮންޑިޝަން އަދި ރައްކާތެރިކަމަށް ބޭނުންވާ އެހެން ހުރިހާ ސާމާން ވެސް ހިމެނޭ އުޅަނދެއްކަމަށް މެރިން މާސްޓާ އިން ފާހަގަކުރެއެވެ. އަދި އެ އުޅަނދުގައި 4 އައުޓް ބޯޑް އިންޖީނު ހަރުކޮށްފައިވާކަމަށް މެރިން މާސްޓާސް އިން މައުލޫމާތުދެ އެވެ.
"މެރިން މާސްޓާ 49 ސްޕީޑް ބޯޓް" ގެ އިތުރުން އެ ކުންފުނިން 30 ފަސިންޖަރުން އަދި 2 ފަޅުވެރިން އުފުލޭވަރުގެ 39 ފޫޓުގެ ސްޕީޑް ބޯޓުގެ މަސައްކަތްވެސް ކުރަމުންދާކަމަށް އެ ކުންފުނިން މައުލޫމާތުދެ އެވެ. އަދި ދެ އުޅަނދަކީވެސް ކަސްޓަމަރުން ބޭނުންވާ ގޮތަށް އެތެރޭގެ ޑިޒައިން ފަރުމާކުރެވޭނެ އުޅަނދަކަށްވާއިރު، ސޯފާ ސްޓައިލިން އާއ،ި ސެމީ ލަގްޒަރީ އަދި ވީއައިޕީ ވާޝަން ފަދަ ކަސްޓަމް ޑިޒައިންތައް އެދިއްޖެ ނަމަ އެގޮތަށް ފަރުމާ ކުރެވޭނެކަމަށް މެރިން މާސްޓާސް އިން ބުންޏެވެ.
މީގެ އިތުރުން މެރިން މާސްޓާ އިން އަންނަނީ 39 ފޫޓުގެ އާ މަސްވެރި އުޅަނދަކާއި، 33 ފޫޓުގެ މަސްވެރި އުޅަނދަކާއި، 53 ފޫޓުގެ ޑައިވިން އަދި އެކްސްކާރޝަން ދޯނިތައް ބަންނަން ތައްޔާރު ވަމުންނެވެ. އަދި 12 ފަސިންޖަރުންގެ ކެޕޭސިޓީއާއެކު 26 ފޫޓުގެ ސްޕީޑް ބޯޓް ވެސް އެކުންފުނިން އުފެއްދުމުގެ މަސައްކަތް ކުރަމުންދާކަމަށް މެރިން މާސްޓާ އިން ހާމަކުރެ އެވެ.
މެރިން މާސްޓާއިން ރާއްޖޭގައި އުފެއްދި "މެރިން މާސްޓާ 49 ސްޕީޑް ބޯޓް" ޔޫއޭއީއަށް އެކްސްޕޯޓް ކުރަނީ: މިއީ އެ ކުންފުނިން ހާއްސަ ގޮތަކަށް ފަރުމާ ކޮށްފައިވާ އުޅަނދެއް - ފޮޓޯ:މެރިން މާސްޓާ
މެރިން މާސްޓާގައި ބަންނަ އޮޑި ފަހަރު ގަންނަ ފަރާތްތަކަށް މިވަގުތު ޕްރޮމޯޝަނަލް ޑިސްކައުންޓެއްވެސް ތައާރަފްކުރެވިފައިވާއިރު އަގު ހޯދަން ބޭނުންވާ ފަރާތްތަކުން ކުންފުނީގެ ހޮޓް ލައިން އަށް ގުޅުއްވުމުން އަގު އަދި އިތުރު މައުލޫމާތު ލިބޭނެކަމަށް މެރިން މާސްޓާސް އިން ބުންޏެވެ
މެރިން މާސްޓަރ ބޯޓްޔާޑުން މިހާރު ވެސް ސްޕީޑްބޯޓާއ،ި ދޯންޏާއ،ި ސަފާރީއާއި ޔޮޓް ފަދަ އުޅަނދުފަހަރު އެހެލާ ބޭލުމުގެ ހިދުމަތް ފޯރުކޮށްދެމުންދެ އެވެ. އޮޑިފަހަރު އެހެލަނީ 220 ޓަނުގެ ބަރުދަނާއި ހަމައަށް އުފުލޭ އުޅަނދުތައް އުފުލޭނެ ޕަވާ ހޮއިސްޓެއް ބޭނުން ކޮށްގެންކަމަށް މެރިން މާސްޓާސް އިން ބުންޏެވެ.
އެ ފެސިލިޓީއިން އިތުރަށް ތައާރަފް ކުރާ ހިދުމަތްތައް:
- ވޯކްޝޮޕް (ވަޑާން، ވެލްޑިން، ލޭތު)
- އާ ޝޯ ރޫމް (ކަނޑުގެ އެސެސަރީސް)
- ކަނޑު އުޅަނދުފަހަރު (ރީ- ފިޓް މަރާމާތު)
- އިންސްޓޮލޭޝަން ފަދަ ހިދުމަތްތައް
މަގުބޫލު މެރިން ސަޕްލަޔަރެއް ކަމަށްވާ މެރިން މާސްޓާ އިން ވަނީ 2022 ވަނަ އަހަރު ހުޅުމާލެ ގައި ކުންފުނީގެ ފުރަތަމަ ޝޯ ރޫމް ހުޅުވާފަ އެވެ. އަދި 2023 ވަނަ އަހަރު މާލެ ބާޒާރު (އެމ.ްއެމ.ްއޭ ގެ ފަހަތު މަގު) ސަރަހައްދުގައި ހުންނަ ހަމީދީ ބިލްޑިންގް ގައި 2 ވަނަ ޝޯރޫމް ހުޅުވިއެވެ. ދެ ޝޯރޫމުން ވެސް ކަނޑުގެ އުޅަނދަށް ބޭނުންވާ އާލާތް ހެޔޮ އަގުގައި ލިބެން ހުންނަކަަމަށް މެރިން މާސްޓާސް އިން ފާހަގަކުރެ އެވެ.
މެރިން މާސްޓާ ޕްރައިވެޓް ލިމިޓެޑަކީ މެރިން އިކުއިޕްމަންޓްސް ޕްރައިވެޓް ލިމިޓެޑް ގެ ދަށުން 2021 ވަނަ އަހަރު އުފެދުނު ކުންފުންޏެކެވެ. ދިވެހި ރާއްޖޭގައި މި ވަގުތު އެންމެ އިސް ސަފުގައި މެރިން އިކުއިޕްމަންޓް ސަޕްލައި ކުރާ މި ކުންފުނި ހުންނަނީ މާލޭ ގެ ކަނބާއައިސާރަނި ހިންގުމުގަ އެވެ.
