މިއީ، ލޭންޑިން ކްރާފްޓެއް ގަތުމަށް އަގުގެ 30 އިންސައްތައަށްވާ 3.9 މިލިއަން ރުފިޔާ އެޑްވާންސް ފައިސާގެ ގޮތުގައި ކުންފުނީގެ ޕޮލިސީއާ ހިލާފަށް ދޫކުރި ކަމުގެ ތުހުމަތު ކުރެވުނު މައްސަލައެކެވެ. މި މައްސަލައިގައި ފުއާދުގެ މައްޗަށް ދައުވާކުރީ ރައީސް ޔާމީންގެ ވެރިކަމުގައެވެ.
އެ މައްސަލަ ބެލުމަށްފަހު ކުރުމިނަލް ކޯޓުން ކަނޑައަޅާފައިވަނީ މަދަނީ މިންގަނޑުން ބަލާއިރު އެ މައްސަލައަކީ ކުރިއަށްގެންދެވޭނެ މައްސަލައެއް ނޫން ކަމަށެވެ. ކުރިމިނަލް ކޯޓުގެ އެ ނިންމުން ޕްރޮސެކިއުޓާ ޖެނެރަލް އޮފީހުން އިސްތިއުނާފު ކުރުމުން ހައިކޯޓުން ކުރި ހުކުމުގައި ބުނެފައިވަނީ އެ މައްސަލާގައި ވަކި ގޮތަކަށް ދައުވާކޮށްފައިނެތުމަކީ މައްސަލައެއްކަމަށް ކުރިމިނަލް ކޯޓުން ކަނޑައެޅި ގާނޫނުއަސާސީން ޕްރޮސެކިއުޓާ ޖެނެރަލަށް ލިބޭ ބާރުތައް ހަނިވާ ގޮތަށް ކަމަށެވެ. އަދި ފުއާދުގެ ފަރާތުން ދައުވާގެ ސައްހަކަމާމެދު ސުވާލު އުފައްދައި އުފުލި ޖުޑީޝަލް ރިވީއުގެ ޝަކުވާތަކަކީ ޖިނާއި ކުށުގެ މައުޟޫއީ މައްސަލައިގެ ތެރެއިން ބަލަންޖެހޭ ހާލަތެއް އޮތް ކަންކަން ފުއާދަށް ސާބިތުކޮށްދެވިފައިނުވާ ކަމަށްވެސް ހައިކޯޓުން ފާހަގަކުރި އެވެ.
ހައިކޯޓުން ނިންމާފައިވަނީ އެ މައްސަލަ 30 ދުވަހުގެ ތެރޭގައި އަލުން ކުރިމިނަލް ކޯޓަށް ހުށަހެޅުމުން މައްސަލައިގެ އިބްތިދާއީ މަރުހަލާ ނިމިފައި އޮތްކަމަށް ބަލައި، ޝަރީއަތުގެ މަރުހަލާއިން ފެށިގެން ކުރިއަށް ގެންދިއުމަށެވެ.
