އެމްޓީސީސީން ފަރާތުން މިކަން ހާމަކުރީ ރޭ ބޭއްވި އާއްމު ޖަލްސާގައި ކުންފުނީގެ ސީއީއޯ އަދި މެނޭޖިން ޑިރެކްޓަރު އަބްދުﷲ ޒިޔާދު އެވެ.
ހިއްސާދާރުން ކުރި ސުވާލުތަކަށް ޖަވާބުދެއްވަމުން އަބްދުﷲ ޒިޔާދު އެމްޓީސީސީގެ ކުރީގެ މެނޭޖްމަންޓުން ކުންފުނީގެ އެކި މަސައްކަތްތައް ފުޅާކުރަން ވިސްނާފައިވާކަމަށާއި އެ ވިސްނުމާއި އެއްގޮތަށް މިހާރުވެސް މަސައްކަތް ކުރަމުން އަންނަކަމަށެވެ. އެގޮތުން ބޯޓް ފަހަރު ބެނުމުގެ ހިދުމަތް ފަށަން އެ ކުފުންފިނިން ތައްޔާރުވަމުން އަންނަކަމަށާއި އަންނަ އަހަރު އެ ކުފުންފުނިން އެ މަސައްކަތް ކުރާނެކަމަށެވެ.
އެމްޓީސީސީންް ބޯޓް ބަނުމުގެ ހިދުމަތް ފަށަން ތައްޔާރުވަމުން އަންނައިރު ރާއްޖޭގައި ޑޮކިން ހިދުމަތް ފޯރުކޮށްދޭ އެންމެ ބޮޑު އެއް ބޯޓްޔާޑް އޮތީ އެމްޓީސީސީގައެވެ. ތިލަފުށީގައި އޮންނަ މި ބޯޓް ޔާޑުން އެއް ފަހަރާ ތަފާތު ސައިޒްގެ 20 އުޅަނދު ޑޮކްކުރުމުގެ ޖާގަ ލިބެެއެވެ.
