އިޒްރޭލު ޕާސްޕޯޓު:-
އިޒްރޭލް ޕާސްޕޯޓު މަނާކުރުމުގެ ބިލުގެ މަސައްކަތް އަވަސްކުރަން 241 ކޮމިޓީން ނިންމައިފި
ގުފްތަގް އަޖީރު
24 ނޮވެންބަރ 2024 - 11:11:01
އިޒްރޭލް ޕާސްޕޯޓު ހިފައިގެން ރާއްޖެއަށް އެތެރެވުން މަނާކުރުމަށް އެމްޑީޕީން ހުށަހެޅި ބިލުގެ މަސައްކަތް އަވަސްކުރަން މަޖިލީހުގެ ސަލާމަތީ ހިދުމަތްތަކާ ބެހޭ ކޮމިޓީން މިއަދު ނިންމައިފި އެވެ.
Advertisement
ކޮމިޓީން މިއަދު އިއްތިފާގުން ފާސްކުރީ މާދަމާއިން ފެށިގެން ވެސް ކަމާބެހޭ ފަރާތްތައް ހާޒިރުކޮށް ސުވާލުކޮށް މައުލޫމާތު އެއްކުރުމަށެވެ. މި ހުށަހެޅުން ހުށަހެޅުއްވީ ހުޅުދޫ ދާއިރާގެ މެންބަރު މުހައްމަދު ޝާހިދެވެ.
ކޮމިޓީގެ މުގައްރިރު، އޭދަފުށީ ދާއިރާގެ މެންބަރު އަހުމަދު ސަލީމް ވިދާޅުވީ މިއީ ކޮންމެހެން ގެންނަން ޖެހޭ ބަދަލެއް ކަމަށެވެ. ބިލުގެ މަސައްކަތް ނިންމަން ކޮމިޓީން ވަނީ 2025 ވަނަ އަހަރުގެ ފެބްރުއަރީ މަހަށް ސުންގަޑި ކަނޑައަޅައިފަ އެވެ.
ގަލޮޅު ދެކުނު ދާއިރާގެ މެންބަރު މީކާއީލް ނަސީމް ހުށަހެޅުއްވި މި ބިލު މަޖިލީހުން ބަލައިގަތީ ޖޫން 10 ގަ އެވެ. ނަމަވެސް ބިލުގެ މަސައްކަތް ފެށުނީ ފަސް މަސް ފަހުންނެވެ. މި ބިލަށް ބަދަލުތަކެއް ގެންނަން ޖެހޭ ކަމަށް އެޓާނީ ޖެނެރަލް އަހުމަދު އުޝާމް ވަނީ ވިދާޅުވެފަ އެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
